Hrikalegur, glæsilegur og framúrstefnulegur. CL er meistaraverk Mercedes-Benz. Ríkjandi þættir í hönnun kúpubaka, (coupé), er jafnan samspil fremri og aftari hurðapósta og kraftmiklar línur í bogadregnu þaki. Þetta er einmitt einn af mörgum spennandi útlitsþáttum CL. Allt í tengslum við útlitshönnun bílsins er eins og hvatning til að setjast undir stýri. Strax við fyrstu sýn virðist CL eins og límdur við götuna og reiðubúinn að veita þér akstursupplifun sem þú gleymir ekki í bráð né lengd.

Það sem einkennir stílrænt útlit CL og endurspeglar hátæknivædda eiginleika hans er t.a.m. ný hönnun á vatnskassahlíf ásamt breytingu á vélarhlífinni, minni bretti og meira áberandi framljós með LED dagljósabúnaði ásamt nýju útliti á stefnuljósum og stöðuljósum. Ríkjandi þáttur í hreinni formlínu CL er ný hliðarlína og sportlegri nálgun í allri hönnun bílsins.



Kraftmiklir hápunktar, þar á meðal tvö bakkljós sem eru innfelld í skottlokið, endurhönnuð afturljós og púströr í nýrri aftursvuntu, eru góð viðbót við samræmt heildaryfirbragð bílsins.

Hönnunin á innanrýminu gleður ekki síður augað. Stílrænt form miðjustokksins liðast milli framsætanna og aftursætanna tveggja. Og hágljáandi yfirborðsfletir í mælaborðinu vekja sterk hughrif.


Skreytilistar úr eðalvið eru fáanlegir í fjórum gerðum og mjúkt leðuráklæðið er fáanlegt í fimm glæsilegum litasamsetningum. Eingöngu er notast við hágæða efni og frágangurinn er í öllum smáatriðum fullkominn.

CL er fáanlegur með umhverfislýsingu sem undirstrikar hönnunina á innanrýminu með þremur litaafbrigðum; "solar", (gulur), "neutral", (hvítur) og "polar" (blár). Umhverfislýsingin skapar þægilega birtu þegar ekið er að næturlagi. Umhverfislýsing er staðalbúnaður í CL 600 og CL 65 AMG.

Eftir endilöngum skreytilistunum á hurðum og mælaborðinu er mjó LED ljósrönd. Umhverfislýsingin skapar ánægjulegt umhverfi og undirstrikar mikið rými og lúxus þægindi í innanrými bílsins. Umhverfislýsingin hefur ekki áhrif á útsýni ökumannsins og getur því verið í notkun meðan bílnum er ekið.

Með COMAND upplýsinga- og afþreyingarkerfinu er hægt að stilla birtustig umhverfislýsingarinnar í fimm þrepum. Umhverfislýsingin býður þig meira að segja velkominn þegar þú opnar hurðir bílsins.Ljósröndin lýsir á hæsta birtustigi en þegar hurðum er lokað fer lýsingin sjálfkrafa á það birtustig sem hefur verið valið síðast.