Ástríðufull útlitshönnun og auðgreinanleg snerpa CLC höfðar jafnt til tilfinninganna og rökhyggjunnar. Þessi augljósu einkenni CLC hafa áhrif á þig jafnvel þegar bíllinn er kyrrstæður.

Aflmiklir og sportlegir eiginleikar CLC blasa við um leið og litið er á bílinn. Þetta má strax lesa út úr framvísandi og áberandi örvarlaga framendanum og mikilli sporvídd bílsins. Einkennandi framsvunta og stór Mercedes-Benz stjarna fyrir miðjunni á breiðri vatnskassahlífinni undirstrika að þetta er bíll sem býr yfir miklu afli. Krómlistar á stuðurum, brettum, hurðum og hliðum er staðalbúnaður. Listarnir skapa grípandi anstæður, ekki síst ef bíllinn er í dökkum lit. Stórar álfelgur, (valbúnaður), draga fram sportlega og kraftalega hönnunina. Auðvelt er að gera bílinn enn sportlegri með Sportpakkanum, sem inniheldur sportfjöðrun, ofurnákvæmt stýri og þriggja rima sportstýri klætt leðri.

Innanrými CLC státar einnig af töfrandi andstæðum í litasamsetningum. Þar er líka að finna sérvalið þriggja rima stýri og sportlega útlítandi mælaklasa. Eingöngu er notast við hágæða efni í innanrýminu, þar á meðal grátt Alpaca leðuráklæði, sem er valbúnaður. Miklar gæðakröfur við hönnun innanrýmisins hafa skapað vistarveru sem
einkennist af þægindum og munaði. Í bílnum eru skreytilistar úr burstuðu áli og hann er fáanlegur með listum úr ösp með svartri áferð, sem fara einkar vel saman við svört teppi og sæti og hurðarspjöld í ljósum litum. Meðal annarra hápunkta í innanrými CLC má nefna sportsætin sem fylgja staðalgerð bílsins - sæti sem veita frábæran
hliðarstuðning.