G-línan er klassísk hönnun. Hún hefur verið fáanleg í yfir 30 ár. Ný kynslóð bílsins lætur til sín taka á torfærum slóðum í utanvegaakstri. Og hann hentar jafnt til einstaklingsnota sem atvinnurekstrar.



G-línan býr yfir margreyndum tæknibúnaði og byggir á 30 ára reynslu af akstri utanvega. Það eru því allar leiðir færar á G-línunni. Með útpældum tæknilausnum Mercedes-Benz er hægt að aka G-línunni áfram þótt hún hafi einungis grip á einu hjóli. Ástæðan að baki þessu eru þrjár mismunadrifslæsingar sem virkjast hver á eftir annarri í rökréttri, fyrirfram ákveðinni röð. Þess vegna lagar G-línan sig ávallt fullkomlega að umhverfinu. Ef eitt hjól bílsins missir grip er aflinu miðlað til þeirra hjóla sem hafa mesta veggripið.

Þegar smár sem stórar fyrirstöður verða á leið ökumanns nýtur hann viðbótar stuðnings frá lága drifinu sem er staðalbúnaður í bílnum. Hann þarf ekki nema að ýta á rofa til að virkja lága drifið. Bíllinn skiptir úr háa drifinu í lága drifið sem kallar á lágmarks hraða og hámarks veggrip. Með þessu býr bíllinn yfir ótrúlegri klifurgetu, allt upp í 80% halla. Sítengt aldrifið, 4ETS rafeindastýrða gripstýrikerfið, hraðalæstur millikassinn og þrjár 100% mismunadrifslæsingar vinna saman sem ein samræmd heild í G-línunni.


G-línu jeppinn kemst yfir næstum allar fyrirstöður því hann er á heilum öxlum, með langri fjöðrunarvegalengd og 22 cm hæð undir lægsta punkt. Hann fer léttilega yfir mýrarfláka og jafnvel allt að hálfs metra djúpt vatn.


G-línan er fáanleg með miklu úrvali aukabúnaðar, þ.á m. vélarhlíf með aðgengi, grjóthlífum og tveggja hurða opnun að aftan. G-línu Professional er hið fullkomna ökutæki til allrar notkunar.

Það er alltaf eitthvað mjög sérstakt að finna undir vélarhlífinni á G-línunni, alveg óháð því hvaða vél verður fyrir valinu. G 500 er til dæmis með aflmikilli, 5,50 lítra V8 vél sem uppfyllir fullkomlega þarfir þessa fjölhæfa ökutækis. Vélin er með rafeindastýrðri innsprautun og fjórum ventlum á hverjum strokki. Hún skilar yfirburða afköstum við allar aðstæður. Með 385 kW undir vélarhlífinni kemst bíllinn torfarnar leiðir þar aðrir verða að játa sig sigraða. Togmikla dísilvélin í G 350 BlueTEC er einkar sparneytin og afkastamikil vél.



G 55 AMG með sína aflmiklu 5,5 lítra V8 forþjöppuvél býr yfir mögnuðustu hestaflatölunni. Hann er líka þokkafullur á AMG álfelgum og með AMG útblásturskerfi.