Þegar ferðast er í GLK er hægt að njóta tónlistarflutnings í hæstu gæðum. Í boði eru þrjár gerðir hágæða hljómflutningstækja. Audio 20 útvarpstækið er með 12,7 cm litaskjá, geislaspilara sem er samhæfður fyrir MP3-spilara. Með tækinu er fáanlegt 6 diska diskaskiptir og Bluetooth® tenging.



Audio 50 APS er valbúnaður. Kerfið inniheldur leiðsögukerfi með nákvæmum kortum í tvívídd, ásamt TMC-umferðarupplýsingakerfi og afþreyingarkerfum eins og DVD-diskadrifi og útvarpi. Með þessu kerfi kemstu á áfangastað á afslappaðan hátt og án þess að taka á þig krók. Kerfið inniheldur hljómtæki með innbyggðu símkerfi og leiðsögukerfi.



Ný aðgerðastýring felur í sér notendavænna viðmót en áður. Hreyfanlegur 17,8 cm skjárinn er í sömu hæð og mælaklasinn. Hann er því ávallt í sjónlínu ökumannsins.



Aðgerðir í COMAND APS-kerfinu eru framkvæmdar með lyklaborði í mælaborðinu, með stjórnrofum í fjölaðgerðastýrinu eða með stjórnrofum framanvert við armhvíluna. Allar lykilaðgerðir eru líka aðgengilegar með raddstýringu. LINGUATRONIC raddstýrikerfið er valbúnaður sem er fáanlegur með Audio 50 APS með 6 diska magasíni og COMAND APS-kerfinu.



Með því er hægt að framkvæma margvíslegar aðgerðir með röddinni einni saman. Með þessu móti getur ökumaðurinn einbeitt sér fullkomlega að umferðinni og notið þess að aka á öruggan og þægilegan hátt.



Innbyggð Bluetooth® tenging gerir ökumanni kleift að nota farsímann sinn án þess að taka hendur af stýri. DVD-spilarinn spilar jafnt geisladiska og MP3-skrár sem og myndbönd og DVD-hljómdiska. Á hörðum diski leiðsögukerfisins er minni fyrir allt að 6 GB af lögum á MP3-formi. Með PCMCIA-raufinni og viðbótartækjum er hægt að stækka minnið nánast óendanlega.



 

Harman Kardon® Logic 7® hljómtæki með umhverfishljóm með Dolby Digital 5.1 og 510 W úttaki er valbúnaður. Þessi búnaður gerir sérhvern akstur að einstakri tónlistarupplifun. Hljómtækjunum fylgja tólf aflmiklir hátalarar og Logic 7® fjölrásatækni sem breytir innanrými bílsins í tónleikasal, sama hvar setið er í honum. Um leið og ekið er af stað aðlagar búnaðurinn hljómstyrkinn í samræmi við hraða bílsins um veghljóð.

Valbúnaður eru tveir 20,3 cm skjáir til að horfa á efni af DVD diskum. Skjáirnir eru staðsettir á aftanverðum hnakkapúðum framsætanna. Þetta nýstárlega afþreyingarkerfi fyrir aftursætisfarþegana inniheldur DVD-spilara, tvo háskerpu TFT-litaskjái og tvö sett af heyrnartólum. Öllum aðgerðum er hægt að stjórna með fjarstýringu.

Valbúnaður fyrir GLK-línuna er svokallaður þægindasímbúnaður sem sér til þess að það er alltaf einstaklega auðvelt að vera í sambandi. Farsíminn er hafður í þar til gerðri vöggu þannig að það er ökumaðurinn en ekki rafhlaða farsímans sem ákveður hve lengi hann er i sambandi. Í þessu skyni er armhvílan búin fjöltækri tengingu fyrir mismunandi gerðir af vöggum. Vöggurnar opna fyrir fjölda viðbótaraðgerða í símanum og hlaða auk þess rafhlöðuna. Þessu til viðbótar er vaggan tengd loftneti á utanverðum bílnum sem tryggir hámarks móttökugæði.

Viðbótarbúnaður í GLK er fjölhæft tengitól fyrir önnur tæki. Þetta hagnýta tengitól gerir þér kleift að tengja iPod®, MP3 fjölvistunarbúnað og aðra MP3-spilara við útvarpstækið á einfaldan máta. Hægt er að stýra aðgerðum á þægilegan hátt með rofum á útvarpstækinu eða á fjölaðgerðastýrinu. Staða spilarans er sýnd í mælaklasanum og ökumaðurinn getur einbeitt sér að akstrinum.