Sérstakur og eftirminnilegur. Útlitshönnunin á GLK talar sínu máli. Hún segir klárt og skýrt að hér er ekki á ferðinni enn einn ósköp venjulegur, fjórhjóladrifinn ferðabíll. Það sem einkennir hönnunina eru ríkjandi formlínur á hurðasvæðinu milli útstæðra hjólaskálanna.

Samþjöppuð og skarphyrnd form, allt frá kraftalegum framenda bílsins til bratts afturendans, gefa GLK endurnærandi yfirbragð sjálfsöryggis og sterka nærveru. Þetta er ekki síst eftirtektarvert fyrir hófsemdina í öllum ytri málum bílsins.

Innanrými bílsins er í raun framhald af ytri hönnuninni. Einkennandi yfirbragð eru svipmiklar brúnir og fletir. Breiddin í farþegarýminu er undirstrikuð með sérstaklega stórum skreytilista á mælaborðinu. Efri hluti mælaborðsins er með svörtu efni sem skapar um leið skemmtilegar andstæður í innanrýminu. Efnisval í innanrýminu er eins og það gerist best og hárnákvæmur frágangur á öllum íhlutum fullkomna síðan hönnunina - jafnvel þótt grunnformin í innanrýminu séu skarphyrnd.