GLK skilar þér á áfangastað, jafnvel þótt leiðin liggi um torfærar slóðir. Lítil slútun að framan og aftan, mikil veghæð ásamt 4MATIC sítengda aldrifskerfinu[1] sér til þess að þessi fjölhæfi bíll er jafn skilvirkur innan borgarinnar og utanvega. 4MATIC kerfið deilir vélarafli og snúningsvægi til allra fjögurra hjóla bílsins eftir þörfum hverju sinni - jafnt þegar ekið er á bundnu slitlagi sem utanvega. 4MATIC kerfið bætir veggrip og stefnustöðugleika bílsins og eykur snerpu hans og öryggi í akstri.

Aukabúnaður fyrir allar 4MATIC gerðir er Tæknipakki fyrir torfæruakstur. Í pakkanum er m.a. að finna undirhlífar. Þær draga til dæmis úr líkum á því að fljúgandi steinvölur eða urð valdi skaða á bílnum. Auk þess felur pakkinn í sér að hægt er að breyta aksturseiginleikum bílsins með einum rofa þannig að torfæruakstursgetan eykst enn frekar.

AGILITY CONTROL fjöðrunarkerfið er með valkvæðu höggdeyfakerfi. Með þessum búnaði er verulega ánægjulegt að aka GLK. Kerfið lagar stillingar á fjöðrunarkerfinu að vegaðstæðum eins og þær eru hverju sinni með sjálfvirkum hætti. Með AGILITY CONTROL stýrisbúnaði, sem vinnur fullkomlega með fjöðrunarkerfinu, og AGILITY CONTROL gírskiptistýringu, breytist GLK í alhliða ökutæki - ökutæki sem veitir stanslausa akstursánægju, hvort sem ekið er innan borgarinnar á sportlegum nótum eða þegar tekist er á við torfæra slóða.

Ökumönnum, sem aðhyllast enn sportlegri tilburði, stendur til boða Sportpakki að utan eða AMG Sportpakki að utan sem inniheldur sportfjöðrun sem lækkar veghæð bílsins um 20 mm. Með þessum búnaði verður hraður akstur í beygjum að ávanabindandi ánægju.