Yfirburðir þurfa að byggjast á styrkum stoðum. Samspil sítengda 4MATIC aldrifskerfisins og 4ETS gripstýringarinnar gefur nýju M-línunni hámarks veggrip og eftirtektarverðan drifkraft, jafnvel við mest krefjandi akstursaðstæður. Rafeindastýrð stöðugleikastýring, ESP, tryggir bílnum mikinn stöðugleika í akstri. Í boði er ennfremur torfærupakki, ON&OFFROAD, og hann ásamt virkri hliðarveltuvörn, (ACTIVE CURVE SYSTEM), sér til þess að þú kemst á áfangastað, sama hvernig færðin er. Þú verður fljótur að venjast þeirri tilfinningu í nýja M-jeppanum, að þú ráðir við nánast allar aðstæður sem upp kunna að koma.
4MATIC aldrifskerfið er staðalbúnaður í nýjum M-Class. Það býður upp á hraustlega aksturseiginleika og aukinn stöðugleika, jafnt á bundnu sem óbundnu slitlagi. 4MATIC aldrifskerfið er ávallt virkt og getur því brugðist nánast samstundis við breyttum akstursaðstæðum, t.d. mikilli úrkomu, ísingu eða snjó.
Aldrifskerfinu til fulltingis er rafeindastýrð stöðugleikastýring, ESP, og rafeindastýrt gripstýrikerfi, 4ETS, með innbyggðum ABS og ASR aðgerðum, sem veita aldrifskerfinu enn frekari stuðning. 4ETS kerfið hemlar niður spólandi hjól á stýrðan hátt og beinir vélarátakinu til þeirra hjóla sem hafa meira grip. Með þessum hætti er ávallt nóg af nýtilegu afli þegar tekið er af stað og bílnum hraðað, ekki síst á slæmum vegarköflum.
4MATIC aldrifskerfið gerir hefðbundnar driflæsingar því sem næst óþarfar. Sjálfvirkur púls frá hemlakerfinu eykur stöðugleika bílsins við varasamar aðstæður.
Með Brekkuhraðastýringunni getur ökumaður valið að aka niður mikinn bratta á 2ja til 18 km hraða. Búnaðurinn viðheldur völdum hraða með sjálfvirkri stýringu á vél og sjálfskiptingu sem og með hemlunarátaki. Með þessu móti gerir DSR akstur niður brattar brekkur afslappaðri og eykur virkt öryggi bílsins í torfæruakstri.
