Nýja R-línan vekur ekki einungis athygli vegna stærðar sinnar og sérstæðs útlits. Ný, kraftaleg og sportleg hönnun á fram- og afturhluta bílsins sem og breið breið vatnskassahlífin fer ekki heldur fram hjá neinum. Glæsilegar krómskreytingar, sem tilheyra sérstökum krómpakka sem er valbúnaður, draga enn frekar fram laglegar formlínur bílsins. Krómskreytingarnar magna upp þau kraftalegu, sjónrænu áhrif sem bíllinn hefur.



Ný gerð LED dagljósabúnaðar, (valbúnaður), og ný gerð afturljósa með LED tækni og ljósleiðaratækni vekja mikla eftirtekt. Það gera ekki síður glæsilegar, bláskyggðar rúður sem fylgja sportpakkanum.

Aðsópsmikið útlit nýju R-línunnar á sér fullkomna samsvörun í glæsilegu og einstaklega rúmgóðu farþegarýminu.

Skreytilistar úr áli eða viðarlistar ásamt hágæða frágangi undirstrika fágunina í hönnun bílsins, sem er nákvæmlega það sem einkennir R-línuna. Hönnuðir bílsins aðhyllast þá lífsreglu að "það sem lítur vel út á einnig að þægilegt". Skýrt dæmi um þetta eru stjórnrofar og hnappar sem eru með áferð sem er mjúk viðkomu, og ekki síður mjúkar armhvílur og glæsilegir skreytilistar. Nýja R-línan státar af lúxusinnanrými sem felur í sér óaðfinnanlegt samræmi milli efnisgæða og fagurfræðilegrar nálgunar í hönnun. Þessu til viðbótar eru nú í boði nýjar litasamsetningar fyrir innanrýmið í R-línunni.