Sæti með hágæðaáklæðum skapa þægilegt andsrúmsloft í farþegarýminu. Leðurklædd og upphituð fram- og aftursæti eru staðalbúnaður í þeim gerðum sem eru með lengra hjólhafi. Sæti með loftfrískun fyrir ökumann og farþega í framsæti er valbúnaður [1]. Þau sjá til þess að ferðalagið er ávallt þægilegt sama hvernig viðrar. Sæti með loftfrískun eru líka fáanleg fyrir farþega í afturrými [2].
Við höfum gert endurbætur á virkum fjölformasætunum í S-línunni svo jafnvel lengstu ferðir verði að sannkallaðri þægindaupplifun. Sætin eru með nudd- og stuðningsaðgerðum [3] og eru hluti af þægindapakka okkar [1] fyrir framsæti sem er valbúnaður.
Um leið og þú hefur komið þér þægilega fyrir í sætinu geturðu slakað á og notið nuddaðgerðarinnar í sætinu. Sætið er með sjö aðskildum nuddhólfum og fjórum stillingum. Nuddkerfið framkvæmir hringlaga hreyfingar sem örva blóðstreymi til bakvöðvanna. Aðgerðina er hægt að stilla samkvæmt óskum hvers og eins í COMAND fjölaðgerðakerfinu.
Þægindapakki fyrir aftursæti [2], sem er valbúnaður, felur í sér fjölformasæti með nuddaðgerð. Þau eru einnig með hágæða hnakkapúðum. Aftursætin eru líka fáanleg með stillingarminni. Þannig er að hægt að stilla og færa bæði ytri sætin með rafeindastýrðum búnaði og geyma stillingarnar inni í minninu.
NECK-PRO hágæða hnakkapúðar sjá til þess að vernda höfuð ökumanns og farþega í framsæti. Þeir eru einnig með stillanlegum hliðarvængjum svo allir finni sína kjörstillingu.
PRE-SAFE® staðsetningaraðgerð er öryggisbúnaður sem fylgir virku fjölformasætinum. Með þessari aðgerð færast framsætin og hnakkapúðarnir á sjálfvirkan hátt á „hentugri stað“ ef upp koma hættulegar aðstæður. Um leið fyllast lofthólf sætanna sem skorðar ökumann og farþega í framsæti betur af.
