S-línan frá Mercedes-Benz hefur alltaf verið fyrirmynd annarra bíla í lúxusflokki hvað útlitshönnun varðar. Hver ný kynslóð S-línunnar setur ný viðmið með skýrri og framtíðarmiðaðri útlitshönnun og ríkulegum búnaði. Einkennandi framhluti bílsins, skýrar formlínur og langt hjólhaf undirstrika stærð og sterka nærveru bílsins. Í S-línunni fara saman ítrustu þægindi með hátæknivæddum búnaði og yfirgripsmikill öryggisbúnaður sem nær til allra þátta bílsins.

S-línan er með auðþekkjanlegu útliti. Í bílnum fer saman ríkulegur búnaður, glæsileiki og yfirburða aksturseiginleikar. Áberandi framhluti bílsins, frísklegar hliðarlínur og kraftalegt form í kringum púströrin á afturhluta bílsins, mynda samfellu þannig að bíllinn virðist eins og formaður í einu lagi. S-línan stendur fyrir fágun á fjórum hjólum. Hátæknivæddur LED-búnaður, (dagljósabúnaður, stefnuljós og stöðuljós eru staðalbúnaður), skipta sköpum í sjónrænni birtingarmynd S 400 Hybrid, S 600 og S 65 AMG, ekki síst þegar birtu tekur að bregða.

Innanrými S-línunnar býður jafnt upp á sannkölluð þægindi og glæsileika. Ávalar línur í stjórnrýminu og fullkomið samræmi í efnisvali í innanrýminu skapa andrúmsloft sem einkennist af stílrænum glæsileika. Hágæðaefni og hágæðafrágangur er það sem einkennir innanrýmið. Enn meira notagildi og formrænni útfærsla er á stjórnrofum og mælum. Breytingarnar ná meðal annars til miðjustokksins, hurða og armhvíla í aftursætum, sem nú eru með skreytilistum úr eðalvið.


Fjölaðgerðastýri bílsins er klætt mjúku nappa-leðri. Valbúnaður með S-línunni er viðar-/leður-útlit. Mótuð fram- og aftursætin í þeirri gerð S-línunnar sem er með lengra hjólhafi, eru leðurklædd í staðalgerð. Þau eru líka fáanleg með PASSION leðuráklæði, (staðalbúnaður í S 63 AMG með lengra hjólhafi), og Exclusive PASSION leðuráklæði, (staðalbúnaður í S 600 og S 65 AMG). PASSION leðuráklæðið var sérstaklega framleitt fyrir S-línuna. Þetta er slétt og mjúkt leður með þunnri litaáferð. Það er náttúrulegt í útliti og einstaklega mjúkt viðkomu.


Valbúnaður með S-línunni er umhverfislýsing, (staðalbúnaður í S 400 HYBRID, S 600 og S 65 AMG), sem skapar einstaka birtustemningu í bílnum. Búnaðurinn felst í mjórri rönd LED-ljósa í viðarskreytilistunum á öllum fjórum hurðum bílsins og í mælaborðinu. Hægt er að velja um birtustemningu eins og ísbláa, (polar), appelsínugula, (solar), og hvíta (hlutlausrar).