Verkfræðingar Mercedes-Benz hafa náð einstökum eiginleikum út úr nýju fjögurra strokka dísilvélinni, sem nú er í fyrsta sinn boðin í S-línunni - eiginleikum sem einkennast af viðbragðsflýti, mýkt í meðhöndlun og lágum eyðslu- og útblásturstölum.



Þessi nýja vél skilar eftirtektarverðu hámarkstogi sem er 500 Nm. Engu að síður er nýja dísilvélin einstaklega sparneytin, spör á útblásturinn og hljóðlát. Afkastagetan er afar mikil miðað við slagrými vélarinnar, eða 150 kW, (200 hestöfl). Þessum árangri náðu verkfræðingar Mercedes-Benz með fjölda hátæknivæddra lausna. Vélin er t.a.m. með nýjustu gerð samrásarinnsprautunar sem vekur strax athygli fyrir innsprautunarþrýsting upp á 2.000 bör, sérhönnuð brunahólf og hárnákvæmar piezo-innsprautunardísur. Skýringin á miklu togi vélarinnar á öllu snúningssviði hennar er bruni undir háþrýstingi og tveggja þrepa eldsneytishleðsla í brunahólfunum. Tvær Lanchester jafnvægisstangir tryggja það að vélin er þýðgeng og hljóðlát. ECO start/stop kerfið sér til þess að það drepst á vélinni tímabundið þegar bíllinn er stöðvaður.



Nýr S 250 CDI BlueEFFICIENCY er einnig fáanlegur með lengra hjólhafi.


(S 250 CDI BlueEFFICIENCY: eldsneytisnotkun í blönduðum akstri: 5.7-5.8 l/100 km, magn CO2 í útblæstri, blandaður akstur: 149-151 g/km)[3]

S 350 BlueTEC er með hátæknivæddri samrásarinnsprautun með fjölmörgum nýjungum, þar á meðal piezo-innsprautunardísum. Hann setur ný viðmið fyrir dísilknúna bíla. Hámarkstog vélarinnar er 620 Nm sem næst strax við 1.600 snúninga á mínútu. Vélin og vélbúnaðurinn stuðlar að minni útblástursmengun og meiri sparneytni og afkastagetan er heil 255 hestöfl (190 kW).



Sex strokkar og jafnvægisstöng sjá til þess að vinnsla bílsins einkennist af miklum þýðleika. Hönnun bílsins miðaði að því að draga úr þyngd hans og það ásamt meiri straumlínulögun og notkun hjólbarða með lágmarks viðnámi, stuðlar að minni eldsneytiseyðslu. Eldsneytiseyðsla, (í blönduðum akstri), er að meðaltali 6,8-6,9 lítrar á hverja 100 km.



Þessi umhverfismilda dísilvél, sem er búin BlueTEC tækni með hvarfakút, notar hvarfefnið AdBlue® til að hreinsa útblástursloftið frá vélinni. Uppistaðan í því sem eftir stendur í útblástursloftinu eftir brunann, er vatn, köfnunarefni og koltvísýringur (CO2). Bílarnir uppfylla skilmála Euro 6 mengunarstaðalsins sem tekur ekki gildi fyrr en 2014. Búnaðurinn dregur úr losun nituroxíðs um allt að 90%.

S350 BlueTEC er einnig fáanlegur með 4MATIC aldrifskerfi sem hentar vel á norðlægum slóðum þar sem þörf er á enn frekara veggripi í snjó, ísingu, rigningu og erfiðum akstursaðstæðum.

(S 350 BlueTEC: eldsneytisnotkun í blönduðum akstri 6.8-6.9 l/100 km, magn CO2 í blönduðum akstri: 177-182 g/km; S 350 BlueTEC 4MATIC: eldsneytisnotkun í blönduðum akstri: 7.3-7.4 l/100 km, magn CO2 í blönduðum akstri: 193-195 g/km)[3]