PLUG-IN HYBRID - BENSÍN OG RAFMAGN SAMEINA KRAFTANA

Plug-in Hybrid

PLUG-IN HYBRID BÍLARNIR FRÁ MERCEDES-BENZ

Vertu með þeim fyrstu til að tileinka þér nýja og spennandi vídd í akstri. Askja býður nú þegar til afhendingar fjórar tegundir af Mercedes-Benz bifreiðum í Plug-in Hybrid útfærslu eða með svonefndum tengiltvinnbúnaði. Um er að ræða sportjeppanna GLE og GLC auk C-Class og S-Class. Mercedes-Benz áætlar að fyrir lok árs 2017 verði 10 mismunandi gerðir Plug-in Hybrid bíla komnir á markað.

Tengiltvinnbílar hafa bæði brunavél og rafmótor og bjóða upp á bæði mikið afl en einnig mjög litla eldsneytiseyðslu. Þessi gerð bíla er því talin afar umhverfismild. Drægnin á rafgeyminum einum saman er rúmlega 20-40 km. eftir gerðum. Tengiltvinnbíll getur þannig ekið á rafmagninu en síðan tekur brunavélin við þegar rafgeymirinn tæmist. Hægt er að stinga bílnum í samband við rafmagn og þannig er hann hlaðinn í venjulegri heimilisinnstungu sem er 230V/16A. Með þessu er tæknin farin að nálgast rafbílinn.

Þrátt fyrir mikinn kraft, þar sem til dæmis GLE jeppinn skilar 333 hestöflum í bensínvél og 116 hestöflum með rafmótor þá er þessi 449 hestafla tengiltvinnbíll frá Mercedes-Benz að ná framúrskarandi árangri í eyðslutölum, eða allt niður í tæpa 4 lítra á hundraðið í blönduðum akstri. Þá er koltvísýringslosunin mjög lág. Hröðun GLE Plug in Hybrid er einnig mjög mikil og tekur aðeins 5 sekúndur að ná 100 km. hraða.

    C-Class PLUG-IN HYBRID