Það besta úr tveimur heimum.
Kynntu þér tengiltvinnbílana frá Mercedes-Benz.
Meiri kraftur, minni eldsneytisnotkun.
Meiri kraftur, minni eldsneytisnotkun.
EQ Power-tengiltvinnbílarnir sameina það besta úr tveimur heimum: kraft og skilvirkni rafmótorsins og drægi brunahreyfilsins. Hægt er að aka alfarið á rafmagni innanbæjar, hlaða heima og á almennum hleðslustöðvum og nýta sér fljótlega áfyllingu á bensínstöðvum á lengri ferðum.
EQ Power – tvinndrifið frá Mercedes-Benz.
Samspil rafmótors og bensínvélar býður upp á nýja akstursupplifun. Kynntu þér nánar einstaka hluta EQ Power-drifsins.
EQ Power – tvinndrifið frá Mercedes-Benz.
Samspil rafmótors og bensínvélar býður upp á nýja akstursupplifun. Kynntu þér nánar einstaka hluta EQ Power-drifsins.
Mercedes-Benz EQ Power: Tengiltvinndrif.
Hleðslutengi
Hægt er að hlaða háspennu-litíumjónarafhlöðuna utan frá með hleðslutengi hægra megin í afturstuðaranum.
Með snjallkerfi fyrir hleðslu í bílnum er hægt að hlaða rafhlöðuna með vegghleðslustöð, venjulegri heimilisinnstungu eða á einni af almennu hleðslustöðvunum sem fer sífjölgandi.
Háspennu-litíumjónarafhlaða
Með fullhlaðinni rafhlöðu er hægt að aka þessari gerð meira en 30 km
á rafmagninu einu saman og þar með án losunar.
„Hybrid“-gírkassi með rafmagnsvél
Í tvinnhaus níu þrepa sjálfskiptingarinnar 9G-TRONIC, sem er staðalbúnaður, eru rafmótorinn og viðbótartengsl milli brunahreyfils og rafmótors fullkomlega samþætt.
Brunahreyfill
Eftir því um hvaða gerð er að ræða eru fjögurra eða sex strokka brunahreyflar tengdir við tvinnkerfi og rafhlöður með mismunandi afköstum.
Afköst brunahreyfilsins eru aukin með hjálp rafmótorsins ef með þarf – til að bæta afköstin við hraðaaukningu. Útkoman er akstursgeta sem tengir saman akstursánægju og þægindi við sem minnsta eyðslu og litla losun.
Hemlakerfi sem endurheimtir orku
Með endurnýtingu orku er hægt að endurheimta orku við hemlun og þegar bíllinn er látinn renna.
Helsta leiðin til að draga úr eldsneytisnotkun á tvinndrifum felst í að endurvinna sem mesta orku þegar við hemlun og þegar bíllinn er látinn renna. Þegar stigið er á hemlafetilinn tekur rafmótorinn við að minnka hraðann og virkar þannig eins og rafall.
Vinnslumátar í tengiltvinnbíl.
Vinnslumátar í tengiltvinnbíl.
Snjöll drifstjórnun velur á eigin spýtur hentugustu samsetningu brunahreyfils og rafmótors til að nýta orku og drægi á eins skilvirkan hátt og unnt er. Ökumaður getur einnig skipt á milli vinnslumáta sjálfur.
Allt eftir aksturskerfi standa fjórir vinnslumátar til boða:
Tvinnbíll: Allar aðgerðir tvinnbílsins svo sem rafdrif, orkuskot og endurnýting orku eru tiltækar og eftir akstursaðstæðum og akstursleið er stillt inn á þær sjálfkrafa til að nýta eldsneyti sem best.
E-MODE: Stillir á algerlega rafknúinn akstur – t.d. innanbæjar eða ef litíumjónarafhlaðan er nægilega mikið hlaðin til að aka viðkomandi akstursleið.
E-SAVE: Hleðslu litíumjónarafhlöðunnar er haldið við – til að geta ekið með rafdrifi eingöngu síðar. Rafdrifið er þá aðeins notað að takmörkuðu leyti.
CHARGE: Brunahreyfillinn hleður litíumjónarafhlöðuna meðan á akstri stendur. Ekki er hægt að aka með rafdrifi á meðan.
Við hemlun myndast orka.
Við hemlun myndast orka.
Eftirfarandi endurnýtingarstillingar standa til boða:
D+: látið renna, engin endurnýting orku
D: miðlungs endurnýting orku
D–: mikil endurnýting orku
DAuto: endurnýtingin fer eftir umferðarskilyrðum
Til að spara enn meiri orku er slökkt alveg á vélinni og hún aftengd þegar látið er renna. Bíllinn rennur áfram án þess að tapa orku vegna brunahreyfilsins.
Ratsjárstutt hemlakerfi með endurnýtingu orku er aukabúnaður sem býður upp á einstaklega skilvirka endurnýtingu orku og eykur þannig drægi rafhlöðunnar. Kerfið nýtir sér gögn radarskynjarans í COLLISION PREVENTION ASSIST PLUS til að auka endurnýtingu orku og þar með hraðaminnkun eftir þörfum eða lækka hana niður í núll.
