Þægindi.

Sætaframboð og stærð farangursrýmisins í bílnum þínum er jafn breytilegt og líf þitt er fjölbreytilegt. Með þriðju sætaröðinni, sem setja má upp eða fella niður eftir þörfum, má koma fyrir allt að tveimur farþegum til viðbótar. Nýttu þér sveigjanleikann eftir þörfum – allt eftir því hvort þú ætlar að taka marga farþega eða koma fyrir miklum farangri.

Þú getur flutt hversdags- og frístundahluti á enn hentugri og öruggari hátt. Farangursrýmispakkinn sameinar aukalega geymslu- og tengingamöguleika á borð við 12 volta innstungu. Bíllinn verður þannig fjölhæfari og getur séð ýmis konar búnaði fyrir rafmagni. Til dæmis er hægt að tengja kælitösku fyrir innkaupin eða ferðalagið.

Með HANDS-FREE ACCESS getur þú komið farangri fyrir og tekið hann úr með lítilli fyrirhöfn: Afturhlerinn opnast og lokast með handfrjálsri stjórnun. Það virkar þannig að skynjari bregst við þegar fæti er sveiflað til undir afturstuðaranum. Það kemur sér sérlega vel þegar maður er klyfjaður innkaupapokum eða hefur ekki lausa hönd til að loka afturhleranum.

Fyrir ótrúleg þægindi undir stýri – upphitað aðgerðastýrið dekrar við þig með þægilegum yl á köldum dögum. Hendur þínar hlýna hratt og vel þar sem upphitunin í stýrinu er óháð kyndingu bílsins.

Besta útsýnið fyrir sportlega akstursgleði og örugga tilfinningu undir stýri: Head-up-Display breytir framrúðunni í heillandi stafrænt stjórnrými. Þannig ertu alltaf með mikilvægar upplýsingar í beinni sjónlínu. Öll þín athygli er á götunni og því sem er að gerast í umferðinni.

Loftræstingin loftræstir framsætin, kælir þau og stjórnar þannig rakastiginu. Í köldu veðri skapar sætishitunin mjög fljótt notalegt hitastig í sessu og sætisbaki. Þú vilt ekki vera án þessara þæginda í sætinu framar.

Með því að færa aftursætin fram eða aftur má breyta stærð farangursrýmisins á augabragði – sem gerir bílinn einstaklega fjölhæfan og sveigjanlegan. Þegar á þarf að halda er hægt að færa aftursætin til um 140 mm og þannig ýmist stækka farangursrýmið eða auka fótarýmið aftur í.

THERMOTRONIC stjórnar hitastiginu á tveimur svæðum. Þannig geta ökumaður og farþegi í framsæti stillt á það hitastig sem hentar hvorum fyrir sig. Ekki þarf að aðlaga stillinguna. því næmir skynjarar greina breyttar aðstæður, eins og sólskin.

Snjallsímatengingin tengir farsímann við margmiðlunarkerfið í gegnum Apple® CarPlay® og Android Auto®. Þannig færðu þægilegan aðgang að helstu forritum snjallsímans þíns. Þú getur einnig notað forrit frá þriðju aðilum eins og Spotify á fljótlegan og einfaldan hátt.

Þú vilt helst ekki vera án þessa kerfis, sérstaklega í seigfljótandi umferð og í umferðarteppum. DISTRONIC-hraðastillirinn með fjarlægðarskynjun léttir verulega undir með þér og stjórnar sjálfkrafa fjarlægðinni frá næsta ökutæki á undan. Samfara greiningu á umferðarmerkjum má auðveldlega stilla hraðamörk, sem greind hafa verið, með því að ýta á hnapp.