Mercedes-AMG A-Class.

Á ytra byrði Mercedes-AMG A 35 4MATIC eru frekari atriði sem láta hann skera sig úr:

- AMG-grill og AMG-áletrun
- Framsvunta með sérstökum loftraufum á ytri loftinntökum
- Loftkljúfur að framan og silfurkrómað skraut á rimlum í ytri loftinntökum

Áberandi AMG-aftursvuntan með útliti loftdreifis og fjórum lóðréttum blöðum og tvö sívöl, krómuð púströr með 90 millimetra þvermáli gefa bílnum eftirminnilegan svip.

48,3 cm (19 tommu) AMG-álfelgur með fjölarma hönnun, svartlakkaðar og gljáfægðar með 235/35 R19 á 8 J x 19 ET 40.

Á sportlega breiðum afturhlutanum grípa tvö tvöföld púströr einnig augað með 82 mm þvermáli (á Mercedes-AMG A 45 4MATIC+) og 90 mm þvermáli (á Mercedes-AMG A 45 S 4MATIC+). Alveg eins og sérstakur loftdreifirinn með fjórum lóðréttum blöðum. Samlit AMG-vindskeiðin á þakinu setur síðan punktinn yfir i-ið.

48,3 cm (19 tommu) þrýstimótaðar felgur með krossörmum og rauðlakkaðir hemlaklafar sem aukabúnaður setja síðan punktinn yfir i-ið. Enda þarf að koma feiknarkrafti nýrrar fjögurra strokka AMG-vélarinnar með forþjöppu sem best yfir á götuna.

Með sjálfstæðri framsvuntu, AMG-grilli og vélarhlíf með áberandi aflhvelfingum skera Mercedes-AMG A 45 4MATIC+ og Mercedes-AMG A 45 S 4MATIC+ sig greinilega frá Mercedes-AMG A 35 4MATIC.

Annað atriði sem gerir þá greinilega frábrugðna: Mikil sporvíddin að framan með útvíðum brettum. Þar er áletrunin „TURBO 4MATIC+“ sem vekur strax eftirtekt og tekur af allan vafa um að hér er á ferðinni Mercedes-AMG A 45-bíll.

AMG-mælaborðið býður upp á spennandi AMG-hönnun og verðmætar upplýsingar fyrir sportlega ökumenn. Það gerir AMG-valmyndin með sportlegum viðbótarupplýsingum á borð við:
- gíravísi (m.a. gult „M“-tákn í stillingu fyrir beinskiptingu)
- upphitunarvalmynd (m.a. hitastig vélar og gírolíu)
- uppsetningarvalmynd (m.a. AMG DYNAMIC SELECT-stillingar)
- hröðunarmæli
- tímamæli fyrir kappakstur
- vélargögn

Sjálfstæður AMG-miðstokkur, áberandi sportlegur og framhækkandi – Innbyggðir rofar stjórna stillingunni fyrir beinskiptingu, þriggja þrepa ESP® og AMG RIDE CONTROL-fjöðrun (aukabúnaður).

Njóttu stafræns margmiðlunarkerfis sem er bæði snjallt og lítur glæsilega út. Þú velur hvaða upplýsingar eru sýndar. Stjórnunin er einnig sveigjanleg, til dæmis með snertinæmum margmiðlunarskjánum.

Tengstu bílnum nánar – og gerðu hann að þínum. Því eiginleikar MBUX-kerfisins laga sig að þér. Þú segir einfaldlega „Hey Mercedes“ og þá hlustar MBUX-kerfið eftir því hvað þú vilt. Notendasnið, spáeiginleikar og þráðlaus Wi-Fi-aðgangsstaður skilgreina stafræna nettengingu alveg upp á nýtt.

Nýju Mercedes-AMG A 45-gerðirnar eru jafnsportlegar að innan og þær eru að utan. MBUX-margmiðlunarkerfið með mælaborði, þremur mismunandi birtingarmátum og „Supersport“-stillingu með stórum snúningshraðamæli er skapað fyrir kraftmikinn akstur. AMG Performance-stýrið, sem er fáanlegt sem aukabúnaður, passar fullkomlega við það.

Kappaksturskerfið AMG TRACK PACE er staðalbúnaður* í Mercedes-AMG A 45 S 4MATIC+ með leiðsögukerfi með hörðum diski og Widescreen-stjórnrými. Jafnframt er AMG-valmyndin með viðbótarupplýsingum á borð við gíravísi, upphitunarvalmynd, uppsetningarvalmynd sem og hröðunarmæli, tímamæli fyrir kappakstur og vélargögnum í boði í öllum Mercedes-AMG A-Class-bílum.

Gular hönnunaráherslur sem undirstrika kappaksturseiginleika bílsins einkenna innanrými Mercedes-AMG A 45 S 4MATIC+. Valfrjálsu AMG Performance-sætin með áklæði úr svörtu ARTICO-leðurlíki/DINAMICA-örtrefjaefni með gulum skrautsaumum passa fullkomlega við það.

Fjögurra strokka AMG-vélin með forþjöppu og 225 kW (306 hö.), 400 Nm, með „twin-scroll“-tækni, vatns-millikæli og sjálfstæðri útfærslu loftinntaks (lögn fyrir hreint loft) skilar feikimiklum kraftinum snyrtilega á götuna.

AMG Performance 4MATIC með enn hraðvirkari raf- og vélstýrðri diskakúplingu fyrir breytilega afldreifingu og framúrskarandi grip við hröðun þegar komið er út úr beygju.

AMG SPEEDSHIFT DCT 7G-gírkassinn er tilvalinn förunautur í sportlegum akstri. Þessi gírskipting með tvöfaldri kúplingu býður upp á einstaklega hraðar skiptingar, en einnig mjúkar og þægilegar skiptingar sem ökumaður tekur varla eftir. Þannig færðu það besta úr tveimur heimum – kappakstur eða þægindi á langferðum, þitt er valið!

Valfrjálsa AMG RIDE CONTROL-undirvagninn er lykillinn að framúrskarandi aksturseiginleikum – bæði í daglegum akstri og á kappakstursbrautinni. Stillanleg fjöðrunin býður upp á breitt svið milli þægilegs og sportlegs aksturs. Ökumaður velur á milli „Comfort“, „Sport“ eða „Sport+“ með einu handtaki og eiginleikar undirvagnsins breytast þá á svipstundu.

Ný hátæknivél bílsins er öflugasta fjöldaframleidda fjögurra strokka vélin með TwinScroll-forþjöppu og tekur þannig við keflinu af fyrirrennara sínum. Hún er sannkallað tryllitæki sem þeytir Mercedes-AMG A 45 4MATIC+ upp í hundraðið á aðeins 4,0 sekúndum með 285 kW (387 hö.) og 480 Nm. S-gerðin býr síðan yfir enn meira afli upp á 310 kW (421 hö.) sem kemur bílnum upp í hundraðið á aðeins 3,9 sekúndum. Til að beisla allan þennan kraft þarf líka stærri útfærslu öfluga AMG-hemlabúnaðarins með rauðlökkuðum hemlaklöfum.

Nýi AMG Performance 4MATIC+ með AMG TORQUE CONTROL býður upp á akstursgetu á pari við kappakstursbíl. Tvö aðskilin tengsl á afturöxlinum dreifa kraftinum eftir þörfum til hvors afturhjóls fyrir sig. Í Mercedes-AMG A 45 S 4MATIC+ finnst þessi kraftur sérstaklega greinilega í stillingunni „Drift Mode“, sem er staðalbúnaður.

Með RACE START-eiginleikanum verður hröðun úr kyrrstöðu eins og best verður á kosið. Kveikjurof að hluta þegar sett er í hærri gír og sjálfvirk eldsneytisgjöf á milli skiptinga þegar sett er í lægri gír bjóða upp á magnaða hljóðupplifun, sérstaklega í aksturskerfinu S+.