Þægindi.

Með A-Class og MBUX (Mercedes-Benz User Experience) er hægt að gera aðeins meira. Þannig er til dæmis ekki aðeins hægt að laga stemningslýsinguna að aðstæðum hverju sinni, heldur einnig hægt að breyta útliti mælaborðsins og skjás margmiðlunarkerfisins. Allt saman á einfaldan og þægilegan hátt, til dæmis með snertihnöppunum í stýrinu.

Með Head-up-Display í A-Class hefurðu augun alltaf á veginum. Því mikilvægum upplýsingum eins og hraða, hraðamörkum eða akstursleiðsögn er varpað upp beint innan sjónsviðs þíns. Sýndarveruleiki í lit. Hægt er að stilla hæðina og hvaða upplýsingar eru sýndar og vista stillinguna í minni. Enn eitt atriði sem þú þarft ekki að leiða hugann að í framtíðinni.

MBUX (Mercedes-Benz User Experience) gerir A-Class snjallari en nokkru sinni fyrr. Á hverjum degi lærir hann meira og þá aðallega að þekkja ökumanninn aðeins betur. Hann getur munað uppáhaldslögin þín og leiðina í vinnuna. Hann greinir hvaða útvarpsstöð á að stilla á út frá venjum þínum og sýnir hana sem eftirlætisatriði og ef það er umferðarteppa á venjulegu leiðinni sýnir hann þér fljótlegri leið. Alveg af sjálfu sér, ef þú vilt.

Með valfrjálsa raddstýringarkerfinu LINGUATRONIC skilur A-Class mælt mál. En miklu meira en það: Hann skilur þig, án þess að þurfa fyrst að læra fyrirmæli. Og talar við þig. Viltu láta bílinn lesa upp, skrifa og senda SMS-skilaboð? Ekkert mál. Hann athugar veðrið á áfangastað fyrir þig, skiptir um útvarpsstöð eða fer með þig fljótlegustu leiðina heim. Þú þarft aðeins að segja tvö orð: „Hey Mercedes“. Og nýi A-Class leggur strax við hlustir.

Eingöngu í boði sem hluti af pakka með MBUX og snertifleti sem viðbótarbúnaði.

Ímyndaðu þér ef hægt væri að stjórna heilum bíl með litla fingri. Væri það ekki fullkomið? Því viljum við nú kynna þig fyrir snertifletinum sem þú getur notað til að stilla nánast hvað sem er. Til dæmis leiðsögukerfið og stemningslýsinguna. Snertinæmt yfirborðið greinir meira að segja handskrift. Snertiskjárinn er jafnvel enn einfaldari og aðgengilegri. Ein hreyfing nægir og það kemur smellur.

Í A-Class hleðurðu snjallsímann með því að leggja hann í miðstokkinn. Mjög einfalt, þráðlaust og með Qi-staðlinum. Og það besta er: Með Near Field Communication (NFC) tengir snjallsíminn sig strax við A-Class án þess að fara þurfi í gegnum mörg skref.

Í A-Class færðu nýja sýn á umhverfi þitt. Til dæmis á götunni. Sérstök myndavél sýnir umhverfi bílsins ýmist sem hreyfimynd eða ljósmynd á skjá margmiðlunarkerfisins. Á nýstárlegan og fróðlegan hátt. Hlutum og merkingum er bætt við með sýndarveruleika, meðal annars til þess að auðvelda þér að finna áfangastaðinn hverju sinni. Einfalt í notkun og einstaklega snjallt.

Það er líka ekkert mál að senda SMS eða fletta í gegnum tengiliðaskrána. Í A-Class geturðu notað snjallsímann þinn án þess að halda á honum. Síminn er tengdur með USB, Wi-Fi eða NFC. Með snertihnöppum í stýrinu er þá hægt að stjórna öllum forritum og eiginleikum símans á skjá margmiðlunarkerfisins með einstaklega þægilegum hætti. Eins og fyrir galdur í einni svipan.