Hönnun.

AMG Line gefur skýr fyrirheit um afköst bæði að innan- og utanverðu. Fyrst og fremst er það AMG Styling með sérstökum fram- og aftursvuntum sem lætur útlit bílsins svipa til AMG-gerðanna. Þar að auki eflir tæknin akstursupplifunina og beina stýringu með lægri og sportlegri stillingu undirvagns.

Útbúnaðarlínan Progressive gerir umtalsvert meira úr bílnum. Virðisauki sem þú bæði sérð og finnur. Frá öllum sjónarhornum vekur þessi vandaði smábíll sífellt meiri hrifningu með fyrsta flokks tækni.

Með útbúnaðarlínunni Style greinir bíllinn þinn sig frá staðalútfærslunni. Töff og ungleg framkoma að innan sem utan. Þar er meðal annars að finna aukalegar einingar eins og 16 tommu álfelgur sem og einstakt áklæði Line-útgáfunnar og skrautsauma í vinsælustu litunum.

Þú færð heilmikinn A-Class án þess að þurfa að velja nokkurn einasta aukabúnað. Því staðalbúnaður bílsins er ríkulegur. Virka hemlunaraðstoðin og virki akreinavarinn bjóða upp á öryggið sem vörumerkið er þekkt fyrir. Loftkælingin stillir hitastigið eins og þú vilt hafa það.

Hafðu lýsinguna í innanrýminu eins og þér finnst best eða eftir því hvernig skapi þú ert í. Úr 64 litum stemningslýsingarinnar verða til heillandi litasamsetningar, til dæmis í upplýstum lofttúðunum, hurðunum og mælaborðinu.

Upplifðu beina ánægju af opnum akstri næstum því eins og í Cabriolet eða Roadster – frískandi og án gegnumtrekks. Þú færir Panorama-þaklúguna einfaldlega þrepalaust aftur. Panorama-þaklúgan er gagnsæ og hleypir því meira ljósi og birtu inn í rýmið þótt hún sé lokuð: Það léttir lundina.

Glæsilegt leðuráklæðið gerir sportlegt aðgerðastýrið enn vandaðra. Þannig verður það að hápunkti í innanrýminu. Sem ökumaður færðu tvöfaldan ávinning: Það sem lítur vel út verður líka að vera gott viðkomu.