Þægindi.

B-Class er ekki aðeins einstaklega þægilegur í notkun, heldur lagar hann sig betur að þér með hverjum deginum sem líður. Hann leggur til dæmis leiðina sem þú ekur á skrifstofuna á minnið og getur bent þér sjálfkrafa á fljótlegri leið ef þú lendir í umferðarteppu. Að baki þessu býr byltingarkennda MBUX-kerfið (Mercedes-Benz User Experience). Margmiðlunarkerfi sem lærir stöðugt meira um þig og óskir þínar. Nógu lengi þar til B-Class-bíllinn þekkir þig næstum því betur en þú sjálf(ur).

Það er næstum óþarfi að leita að hefðbundnum hnöppum og stjórntækjum í stjórnrými B-Class. Mjög einfalt er að stjórna allri virkni. Eins og til dæmis með snertiskjá eða snertifleti, þar sem þú getur stjórnað nánast öllu í bílnum með einum fingri og stillt allt eftir eigin óskum. Til dæmis skjástillingar, stemningslýsinguna eða upplýsinga- og afþreyingarkerfið. Þessu getur þú einnig stýrt með snertihnöppunum í stýrinu. Og það án þess að þurfa að taka hendurnar af stýrinu.

Stjórnrýmið tekur á móti þér með tveimur alstafrænum skjám sem eru hannaðir sem ein heillandi eining. Þeir eru ekki aðeins glæsilegir útlits, heldur er einnig einfalt að laga þá að þínum þörfum. Til dæmis er hægt að velja um þrenns konar birtingarmáta fyrir mælaborðsskjáinn með heitunum „Klassískt“, „Sport“ og „Látlaust“ sem þú getur skipt á milli eftir stemningu, ferðaáætlun og akstursaðstæðum.

B-Class skilur þig betur en nokkur annar bíll. Og það í bókstaflegri merkingu. Með MBUX-raddstýringunni hlustar hann á þig og skilur þig án þess að þurfa að læra skipanir áður. Og miklu meira en það. Hann athugar veðrið á áfangastað fyrir þig, skiptir um útvarpsstöð eða fer með þig fljótlegustu leiðina heim. Viltu láta bílinn lesa upp, skrifa og senda SMS-skilaboð? Þú þarft bara að segja tvö orð: „Hey Mercedes“. B-Class leggur þá strax við hlustir og er til þjónustu reiðubúinn.

Sú yfirsýn sem ökumaður hefur yfir umferðina er ennþá eitt besta öryggiskerfið í bílum. MBUX-viðbótarveruleiki fyrir leiðsögukerfi hjálpar þér að komast leiðar þinnar við flókin akstursskilyrði. Í því skyni tvinnar tæknin saman sýndarveruleika og veruleika. Og blandar myndrænum leiðsögu- og umferðarupplýsingum saman við lifandi myndir af umhverfi bílsins sem birtast á margmiðlunarskjánum. Þannig getur kerfið hjálpað þér að komast öruggari og afslappaðri á leiðarenda.

Eftir vélargerð er B-Class fáanlegur með 4MATIC-fjórhjóladrifinu sem tryggir þér besta mögulega samspil krafts, grips og skilvirkni í öllum aðstæðum. Rafvökvastýrð diskakúpling, sem er innbyggð í afturásdrifið, býður upp á mismunandi snúningsvægisdreifingu. Hún nær frá sérlega hagkvæmu framdrifi til 50:50 dreifingar í snjó, hálku eða snörpum akstri. Þannig kemstu ávallt örugglega á áfangastað.

Með DYNAMIC SELECT-aksturskerfunum getur þú auðveldlega lagað aksturseiginleika B-Class að þínum óskum. Allt eftir því hvort þú kýst sérstaklega þægilegan, sportlegan, sparneytinn eða einstaklingsbundinn akstursstíl standa þér aksturskerfin fjögur „Comfort“, „Sport“, Eco“ og „Individual“ til boða. Það dugir að styðja á einn hnapp til að kerfið breyti sjálfkrafa eiginleikum vélar, gírskiptingar, undirvagns og stýrisbúnaðar. Fyrir skemmtilegan akstur, eftir þínu höfði.

Hvort sem það er til að ná fram skemmtilegri aksturseiginleikum í beygjum, sérstaklega hagkvæmu aksturslagi eða mestu þægindum á löngum ferðum: Undirvagn B-Class er búinn virku fjöðrunarkerfi sem lagar fjöðrun hjóla og þar af leiðandi aksturseiginleikana að þínum þörfum hverju sinni. Veldu einfaldlega eitt af eftirfarandi þremur kerfum: „Sport“, „Eco“, eða „Comfort“ með DIRECT SELECT-hnappinum í miðstokknum. Það er eins og B-Class sé með marga undirvagna.

Nýjasta kynslóð fjögurra strokka bensínvéla með strokkastöðvun er fáanleg fyrir B-Class. Hægt er að stöðva tvo strokka sjálfkrafa, einkum við lítið álag og á litlum snúningshraða. Það sparar eldsneyti án þess að marktækur munur verði á afköstum. Um leið og hraðinn er aukinn fara strokkarnir aftur í gang án þess að eftir því sé tekið.