Hönnun.

AMG Line gerir bílinn sportlega glæsilegan bæði að innan- og utan. Fyrst og fremst eru það AMG Styling og demantsgrillið með einum rimli sem eru sérlega einkennandi. Auk þess auka lækkaður og aflmikill undirvagninn akstursupplifunina í samspili við beinu stýringuna. Frábær lokahnykkur: Aðgerðastýri sem er flatt að neðan og klætt vönduðu Nappa-leðri.

Útbúnaðarlínan Progressive gerir umtalsvert meira úr bílnum. Virðisauki sem þú bæði sérð og finnur. Frá öllum sjónarhornum vekur þessi spennandi Sports Tourer-bíll sífellt meiri hrifningu með fyrsta flokks tækni. Auk þess býður þessi útbúnaðarlína upp á hrífandi samspil að innan sem utan – til dæmis með leður- og næturpakkanum.

Með útbúnaðarlínunni Style greinir bíllinn þinn sig frá staðalútfærslunni. Töff og ungleg framkoma að innan sem utan. Þar er meðal annars að finna aukalegar einingar eins og 16 tommu álfelgur sem og einstakt áklæði Line-útgáfunnar og skrautsauma í vinsælustu litunum.

Þú færð heilmikinn B-Class án þess að þurfa að velja nokkurn einasta aukabúnað. Því staðalbúnaður bílsins er sérlega ríkulegur. Virka hemlunaraðstoðin eykur öryggi til muna. Hagkvæmur kostur: Niðurfellanleg aftursætisbök í hlutfallinu 40:20:40 og gólf í farangursrými sem má stilla eftir hæð.

Upplifðu beina ánægju af opnum akstri næstum því eins og í Cabriolet eða Roadster – frískandi og án gegnumtrekks. Þú færir Panorama-þaklúguna einfaldlega þrepalaust aftur. Panorama-þaklúgan er gagnsæ og hleypir því meira ljósi og birtu inn í rýmið þótt hún sé lokuð: Það léttir lundina.

Sportlegt aðgerðastýrið klætt Nappa-leðri með stjórnflötum úr krómi og gripfleti úr DINAMICA-örtrefjaefni liggur fullkomlega í hendi. Það er fullkomið þegar breyta þarf skjótt um stefnu í kraftmiklum akstri. Samsetning forms og efnis skapar hreinræktað kappakstursútlit. Um leið er vandað Nappa-leðrið tákn um gæði á hæsta stigi.

LED High Performance-aðalljósin tryggja meira öryggi að næturlagi og gefa bílnum sterkan svip. Þökk sé LED-tækninni lýsa þau veginn betur upp en hefðbundin aðalljós – og nota um leið minni orku.