Þægindi.

Með MBUX-innanrýmisaðstoðinni í CLA er hægt að stjórna ýmsum þægindaeiginleikum og MBUX-aðgerðum á einfaldan og snertilausan hátt með bendingum. Myndavél í þakstjórnborðinu greinir handahreyfingar ökumanns og framsætisfarþega nálægt snertiskjánum eða snertifletinum og breytir framsetningunni á margmiðlunarskjánum til samræmis. Auk þess er hægt að velja eftirlætisatriði með því að mynda „V“ með vísifingri og löngutöng.

CLA breytir kannski ekki heiminum. En hann breytir sýn þinni á heiminn. Sérstök myndavél getur sýnt umhverfi bílsins ýmist sem hreyfimynd eða ljósmynd á margmiðlunarskjánum. Hlutum og merkingum er bætt við með sýndarveruleika, sem auðveldar þér meðal annars að finna áfangastaðinn hverju sinni. Einfalt í notkun og einstaklega snjallt.

Með nýja raddstýringarkerfinu LINGUATRONIC bregst CLA við raddskipunum. Og miklu meira en það: Hann skilur þig og farþega þína, án þess að þurfa fyrst að læra skipanir. Og talar við þig. Viltu láta bílinn lesa upp, skrifa og senda SMS-skilaboð? Ekkert mál. Hann athugar veðrið á áfangastað fyrir þig, skiptir um útvarpsstöð eða sýnir þér fljótlegustu leiðina heim. Þú þarft aðeins að segja tvö orð: „Hey Mercedes“. Og CLA leggur við hlustir.

Að loknum frágangi á efni er mögulegt að breytingar hafi verið gerðar á vörunni.

Með þemum er hægt að velja stemningu fyrir CLA með einum hnappi. Framsetningin á mælaborði og margmiðlunarskjá breytist til samræmis, sem og lýsingin og akstursstillingin. Og það besta er: Þú getur einnig sett saman þemu eftir eigin höfði.

MBUX gerir CLA að öflugum förunaut. Á hverjum degi lærir kerfið meira og þá aðallega að þekkja ökumanninn aðeins betur. Það getur munað uppáhaldslögin þín og leiðina í vinnuna. Þá stillir það sjálfkrafa á rétta útvarpsstöð og ef það er umferðarteppa á venjulegu leiðinni sýnir það þér fljótlegri leið. Alveg af sjálfu sér, ef þú vilt.