Hönnun.

AMG Line gefur skýr fyrirheit um afköst bæði að innan- og utanverðu. Fyrst og fremst er það AMG Styling með sérstökum fram- og aftursvuntum sem færa ásýnd bílsins nálægt AMG-gerðum. Auk þess eflir tæknin akstursupplifunina með lægri og sportlegri stillingu fjöðrunar og beinni stýringu.

Útbúnaðarlínan Progressive gerir umtalsvert meira úr bílnum. Virðisauki sem þú bæði sérð og finnur. Frá öllum sjónarhornum eykst aðdáunin og hágæða tæknin í þessum Sportlega Coupé-bíl. Auk þess býður þessi lína upp á hrífandi samspil að innan sem utan – til dæmis með leður- og næturpakkanum.

Þú færð heilmikinn CLA-bíl án þess að þurfa að velja nokkurn einasta aukabúnað. Því staðalbúnaður bílsins er sérlega ríkulegur. Sportleg ásýnd fæst með demantagrillinu, LED-dagljósunum og álfelgunum. Virka hemlunaraðstoðin þýðir mikið öryggi.

Hafðu lýsinguna í innanrýminu eins og þér finnst best eða eftir því hvernig skapi þú ert í. Úr 64 litum stemningslýsingarinnar verða til heillandi litasamsetningar, til dæmis í upplýstum lofttúðunum, hurðunum og mælaborðinu.

Þú upplifir alla bandvíddina sem fylgir stafrænum birtingarmáta. Skjárinn er stór í sniðum, 10,25" með mikilli upplausn og stilltur eftir þörfum hvers og eins – til dæmis á hefðbundinn hátt með snúningshraðamæli vinstra megin og hraðamæli hægra megin. Skjárinn lítur glæsilega út og auðvelt er að lesa af honum: Akstursaðstoðar- og ferðaupplýsingar birtast einnig á öllum skjánum.

Fyrir fullkomið skyggni: MULTIBEAM LED-aðalljósin bregðast fljótt við umferðaraðstæðum með LED-ljósum sem hægt er að stjórna hverju fyrir sig. Háljós að hluta passa að lýsa ekki á aðra vegfarendur og blinda þá. Beygju- og sveigjuljós lýsa sjónsviðið einnig upp eins og best verður á kosið þannig að ökumaður getur komið fyrr auga á hættur.