Þægindi.

Upplifðu þægilegt notendaviðmót CLA Shooting Brake. Með valfrjálsu MBUX-innanrýmisaðstoðinni í CLA Shooting Brake er hægt að stjórna ýmsum þægindaeiginleikum og MBUX-aðgerðum á einfaldan og snertilausan hátt með bendingum. Innbyggð myndavél greinir handahreyfingar ökumanns og framsætisfarþega nálægt snertiskjánum eða snertifletinum og breytir framsetningunni á margmiðlunarskjánum til samræmis. Auk þess er hægt að velja eftirlætisatriði með því að mynda „V“ með vísifingri og löngutöng.

CLA Shooting Brake sér heiminn með sínum eigin augum. Sérþróuð myndavél getur sýnt umhverfi bílsins ýmist sem hreyfimynd eða ljósmynd á skjá margmiðlunarkerfisins með svokölluðu „Augmented Reality“. Það felur í sér að hlutum og merkingum er bætt við með sýndarveruleika. Þetta nýja útlit auðveldar þér meðal annars að finna áfangastaðinn hverju sinni.  

Þú þarft aðeins að segja „Hey Mercedes“ og þá skilur bíllinn mælt mál án þess að þurfa fyrst að læra skipanir. Þannig er hægt að eiga ótrúlega eðlileg samskipti við bílinn. Hann getur einnig lesið upp, skrifað og sent SMS-skilaboð. Þegar þess er óskað athugar hann veðrið á áfangastað fyrir þig, skiptir um útvarpsstöð eða finnur fljótlegustu leiðina heim.

Með valfrjálsum þemum er hægt að velja stemningu fyrir CLA Shooting Brake með einum hnappi. Framsetningin á mælaborði og margmiðlunarskjá breytist til samræmis, sem og lýsingin og akstursstillingin. Og það besta er: Þú getur einnig sett saman þemu eftir eigin höfði.

Gervigreindin sem er í boði sem aukabúnaður í CLA Shooting Brake gerir hann betri með hverjum degi sem líður. Hann lærir bæði af ökumanninum og á hann. Bíllinn getur einnig lært að þekkja uppáhaldslögin þín og athugað hvort umferðin gengur greiðlega fyrir sig á leiðinni sem þú ekur til vinnu. Hann stillir sjálfkrafa á rétta útvarpsstöð áður en lagt er af stað næst eða finnur fljótlegustu leiðina á áfangastað. Þessi eiginleiki er sjálfvirkur og krefst ekki skipana, en aðeins ef þess er óskað.