Þægindi.

Góð byrjun á deginum: Beltisréttarinn réttir þér sætisbeltið á þægilegan hátt. Dagurinn getur ekki orðið annað en góður eftir það.

Sjálfvirk hljóðeinangrandi blæja úr tauefni einangrar hljóð einstaklega vel og gerir aksturinn þannig mun þægilegri.

Aktu með blæjuna niðri allan ársins hring. Með höfuðrýmishituninni AIRSCARF umvefur heitur blástur háls þinn og hnakka líkt og hlýr trefill.

Sjálfvirki vindbrjóturinn AIRCAP er nýjung sem Mercedes-Benz þróaði. Kveikt er á honum með hnappi og dregur hann þá úr dragsúg í öllum fjórum sætunum þegar ekið er með blæjuna niðri. Aksturinn verður þægilega hljóðlátur og hitastigið í innanrýminu helst stöðugt.

Þegar þú sest inn í nýja E-Class Cabriolet ertu komin(n) í þína persónulegu heilsulind. ENERGIZING-pakkar og stemningslýsing bjóða upp á allt frá stuttri slökun til frískandi æfinga.

Láttu streituna líða úr þér á meðan þú keyrir. Sætisþægindapakkinn býður upp á fjölda leiða til að stilla sætin eftir þörfum. Með nokkrum einföldum stillingum lagar þú sætið fullkomlega að bakinu á þér. Þannig veitir nýi E-Class Cabriolet þér og bakinu á þér stuðning á öllum ferðum.

Hljómburður sem talar sínu máli. Með öflugum hátölurum og einstökum hljómburði skapar Burmester® Surround-hljóðkerfið magnaða hljóðupplifun.

Þú finnur fyrir þægindunum um leið og þú sest inn í bílinn. Með EASY-ENTRY-eiginleikanum er einfalt og þægilegt að setjast inn í bílinn og fara út úr honum.

Upplýsingar um umhverfi bílsins í stafræna stjórnrýminu leiðbeina þér við aksturinn: merkingar, húsnúmer og nöfn eru lögð ofan á götumyndina á margmiðlunarskjánum og auðvelda þér þannig að rata.

Þú ræður för. MBUX-innanrýmisaðstoðin getur greint á milli mismunandi skipana með handahreyfingum, meira að segja á milli ökumanns og farþega. Þannig má framkvæma fjölda valinna aðgerða á fljótlegan hátt. Einfalt og þægilegt, án þess að taka augun af veginum.

MBUX er snjallt raddaðstoðarkerfi frá Mercedes-Benz. Þú virkjar það einfaldlega með orðunum "Hey Mercedes" og segir því hvað á að gera: Kerfið finnur þá ákveðin heimilisföng, spilar tiltekin lög eða breytir tilteknum eiginleikum bílsins, eins og hitastiginu í innanrýminu.  

Sportlegur akstur byrjar í fjöðruninni: DYNAMIC BODY CONTROL býður upp á þrenns konar stillingar sem spanna allt frá hámarkssnerpu til hámarksþæginda í akstri. Þú velur hvernig þú vilt keyra.

Láttu ekkert slá þig úr jafnvægi: Loftfjöðrunarkerfið AIR BODY CONTROL tryggir jafnan akstur á hvers kyns undirlagi.

Þú stjórnar hraðanum, en nýi E-Class Cabriolet sér um allt hitt. Sjálfskiptingin 9G-TRONIC skiptir um gír án þess að þú takir eftir því. Níu gírar gera kleift að halda snúningshraðanum alltaf sem lægstum. Þannig verður bíllinn þægilega hljóðlátur í akstri og eyðir minna eldsneyti.

Í aðgerðastýrinu í viðar- og leðurútfærslu fara saman fyrsta flokks efni og framsæknir notkunareiginleikar. Samsetning mjúks leðurs og viðar er einstaklega þægileg viðkomu og lítur glæsilega út. Helstu aðgerðum í bílnum er stjórnað með snertiflötum án þess að taka hendurnar af stýrinu.

Aksturstíminn verður að hleðslutíma: Losnaðu við snúruflækjuna og leggðu símann einfaldlega á innbyggða hleðsluflötinn í miðstokkinum til að hlaða hann þráðlaust. Þráðlaus hleðsla er í boði fyrir alla farsíma sem styðja Qi-staðalinn.

Klæðskerasniðin og dekra við þig: Þessi sæti bjóða upp á fjölda stillingamöguleika og eiginleika sem auka vellíðan þína. Þau falla fullkomlega að líkamanum og uppblásanlegir hliðarpúðar veita mikinn hliðarstuðning. Þægileg nuddáhrif gera hverja ferð að sælustund.