Hönnun.

Sýndu að sportlegur akstur er þér hjartans mál: Með sérstökum stíl AMG Line leggur þú áherslu á nútímalega hönnun og áberandi akstursgetu. Samspil allra þátta skapar sterkan heildarsvip. Ber þar sérstaklega að nefna AMG-álfelgurnar og AMG-aftursvuntuna með loftdreifi.

Sérstæður og sportlegur í staðalútfærslu: Þegar í grunnútfærslunni fær E-Class fallegt ytra byrði AVANTGARDE sem lætur kraft og glæsileika bílsins njóta sín til fulls. Samspil þessara þátta gefur bílnum sterkan svip. Lækkaður undirvagninn undirstrikar þessi áhrif.

Með næturpakkanum verður sportlegt ytra byrðið enn svipsterkara. Auk þess eru ýmis atriði í svörtu eða háglansandi svörtu. Allt eftir því hvaða lakk er valið skapar þetta ýmist andstæður eða órofið flæði. Það er sama hvernig: Bíllinn fær alltaf persónulegri svip.

Fyrir fullkomið skyggni: MULTIBEAM LED-aðalljósin bregðast fljótt við umferðaraðstæðum með LED-ljósum sem hægt er að stjórna hverju fyrir sig. Háljós að hluta passa að lýsa ekki á aðra vegfarendur og blinda þá. ULTRA RANGE-háljósin auka lýsingu fram á veg upp að leyfilegu hámarki. Beygju- og sveigjuljós lýsa sjónsviðið einnig upp eins og best verður á kosið.

Hafðu lýsinguna í innanrýminu eins og þér finnst best eða eftir því hvernig skapi þú ert í. Úr 64 litum stemningslýsingarinnar verða til heillandi litasamsetningar sem breytast á lifandi hátt eða lýsa upp mismunandi svæði með mismunandi litum.