Þægindi.

Innanrými nýja E-Class Coupé einkennist af flæðandi formum, efni í hæsta gæðaflokki og ríflegu rými. Íburðarmikil þægindin eru útgangspunkturinn fyrir allar áskoranir dagsins.

Farðu létt með sérhverja leið. Sætisþægindapakkinn býður upp á þægilega sætisstöðu þar sem stilla má bæði sæti ökumanns- og framsætisfarþega á fjölda vegu með því einu að ýta á hnapp. Aukin þægindi: Raf- og loftknúinn fjögurra þátta mjóbaksstuðningur sem lagar sig að náttúrulegri lögun hryggjarsúlunnar.

Njóttu öflugu hátalaranna frá Burmester®. Háþróuð útilokun aksturs- og vindhljóða (VNC) lagar tónlist og tóna sjálfkrafa að akstursskilyrðum hverju sinni til að veita þér ávallt framúrskarandi tónlistarupplifun.

Auðvelt að setjast inn. Þessi vélræna aðstoð fyrir farþega í aftursætum til að setjast inn og fara út gerir allt ferlið mjög þægilegt með einum hnappi. Sætisbökum framsætanna er þá hallað fram á við og í kjölfarið er hægt að ýta sætunum fram.

Upplýsingar um umhverfi bílsins í stafræna stjórnrýminu leiðbeina þér við aksturinn: merkingar, húsnúmer og nöfn eru lögð ofan á götumyndina á margmiðlunarskjánum og auðvelda þér þannig að rata.

Þú ræður för. MBUX-innanrýmisaðstoðin getur greint á milli mismunandi skipana með handahreyfingum, meira að segja á milli ökumanns og farþega. Þannig má framkvæma fjölda valinna aðgerða á fljótlegan hátt. Einfalt og þægilegt, án þess að taka augun af veginum.

MBUX er snjallt raddaðstoðarkerfi frá Mercedes-Benz. Þú virkjar það einfaldlega með orðunum "Hey Mercedes" og segir því hvað á að gera: Kerfið finnur þá ákveðin heimilisföng, spilar tiltekin lög eða breytir tilteknum eiginleikum bílsins, eins og hitastiginu í innanrýminu.

Hámarkssnerpa eða mikil fjöðrunarþægindi: Þú ákveður hvaða aksturslag hentar þér. Þetta þrepalausa kerfi stjórnar fjöðrunareiginleikum hvers hjóls fyrir sig í samspili við eiginleika vélar, gírkassa og stýrisbúnaðar – allt eftir akstursskilyrðum, hraða og ástandi akbrautar hverju sinni.

Láttu ekkert slá þig úr jafnvægi: Loftfjöðrunarkerfið AIR BODY CONTROL tryggir jafnan akstur á hvers kyns undirlagi.

9G-TRONIC sér til þess að aksturinn verði alltaf sem þægilegastur. Sjálfskiptingin býður upp á fjölda aksturskerfa sem eru sniðin að þínum þörfum. Með DYNAMIC SELECT geturðu valið á milli Comfort, ECO og Sport. Þú þarft aðeins að ýta á hnapp til að upplifa sportlegar og snöggar skiptingar og kraftmikla akstursgetu.

Njóttu snertilausrar stjórnunar: Þetta nýstárlega kerfi greinir og les úr hreyfingum handa og handleggja. Þannig er hægt að framkvæma tilteknar aðgerðir bókstaflega með einu handtaki. Kerfið greinir á milli ökumanns og farþega – svo tryggt sé að hver og einn stjórni réttum valmyndum.

Hvort sem hún er opin eða lokuð: Með Panorama-þaklúgunni upplifir þú heillandi frelsistilfinningu og nýtur þægilegrar birtu í innanrýminu. Stór þaklúgan hefur einnig mikil áhrif á ytra útlit bílsins, því hún gefur honum létt og fágað yfirbragð.

Klæðskerasniðin og dekra við þig: Þessi sæti bjóða upp á fjölda stillingamöguleika og eiginleika sem auka vellíðan þína. Þau falla fullkomlega að líkamanum og uppblásanlegir hliðarpúðar veita mikinn hliðarstuðning. Þægileg nuddáhrif gera hverja ferð að sælustund.