Hönnun.

AMG Line fyrir ytra byrði býður upp á sportlegri og skemmtilegri akstur með fullkomlega samhæfðum útbúnaði – allt frá kraftmiklu AMG-útliti til AMG-álfelga og lágstæðs AGILITY CONTROL-undirvagnsins. Dæmigerð AMG-einkenni gefa þessari línu sportlegra og sérstæðara yfirbragð með sýnilegum og áþreifanlegum hætti.

Þessi útbúnaðarlína gefur ytra byrði bílsins kraftmeiri og sportlegri svip. Á meðal útbúnaðar eru sérstakar álfelgur, sjálfstæður stuðari að framan og hönnunarþættir úr krómi og áli. Lágstæður AGILITY CONTROL-undirvagninn undirstrikar sportlegt útlitið.

Á ytra byrði gefur EXCLUSIVE-útbúnaðarlínan bílnum nútímalegan og íburðarmikinn svip með framstuðara sem var uppfærður sérstaklega fyrir þessa línu. Að innanverðu skapar útbúnaðarlínan innanrými sem skilgreinir lúxus á nýjan og spennandi hátt. Meðal annars með sætum með sérstöku mynstri, áklæði úr leðri / Valence-efni, þremur spennandi litasamsetningum og stóru viðarskrauti.

Á meðal sportlegs og glæsilegs staðalbúnaðar á ytra byrði er grill með þremur rimlum, Mercedes-stjarna á vélarhlífinni, 43,2 cm (17") álfelgur og tvískiptur afturstuðari með innfellingu sem lítur út eins og loftdreifari. Þegar í staðalútfærslu er nútímalegt og vandað innanrýmið einstaklega stílhreint.

Fyrir fullkomið skyggni: MULTIBEAM LED-aðalljósin bregðast fljótt við umferðaraðstæðum með LED-ljósum sem hægt er að stjórna hverju fyrir sig. Háljós að hluta passa að lýsa ekki á aðra vegfarendur og blinda þá. Beygju- og sveigjuljós lýsa sjónsviðið upp eins og best verður á kosið.

Hvort sem hún er opin eða lokuð: Með Panorama-þaklúgunni upplifir þú heillandi frelsistilfinningu og nýtur þægilegrar birtu í innanrýminu. Stór þaklúgan hefur einnig mikil áhrif á ytra útlit bílsins, því hún gefur honum létt og fágað yfirbragð.

Í aðgerðastýrinu í viðar- og leðurútfærslu fara saman fyrsta flokks efni og framsæknir notkunareiginleikar. Með þægilegum snertihnöppum er hægt að stjórna eiginleikum á borð við leiðsögn, síma, hraða og afþreyingu á einfaldan hátt. Þannig hefur þú góða stjórn á öllu, án þess að þurfa að taka hendurnar af stýrinu.