Mercedes-AMG E-Class Saloon.

Kraftmikil hönnunaratriði móta sérstöðu Mercedes-AMG ytra byrðisins. Þar á meðal er svipsterkt AMG Styling með einkennandi AMG-fram- og -aftursvuntu, og 48,3 cm (19") AMG-álfelgur með mismunandi dekkjastærð.

50,8 cm (20") AMG-álfelgur með fimm tvöföldum örmum, svartlakkaðar og gljáfægðar með VA 245/35 R20 á 8 J x 20 ET43, HA 275/30 R 20 á 9 J x 20 ET49.

Svartar áherslur AMG-næturpakkans gera ytra byrðið enn sportlegra og svipsterkara. Skraut á fram- og aftursvuntu og tvöföld púströrin eru í svörtum lit. Hitadeyfandi skyggðar rúður aftan við miðdyrastaf skapa frekari svipsterkar áherslur.

Kraftmikil hönnunaratriði móta sérstöðu Mercedes-AMG ytra byrðisins. Hluti af alsjálfstæðri AMG-framhlið með meiri skáhalla eru innsett AMG-vélarhlífin með aflhvelfingum, AMG-framsvuntan með „Jet-Wing“-hönnun og AMG-grillið með tvöföldum rimli úr silfurkrómi, svörtum lóðréttum stífum og „AMG“-áletrun. AMG-grillið og AMG-framsvuntan opna inn í þriðju víddina með rimlalausum loftinntökum og gera vandaðan kælibúnaðinn þar fyrir aftan sýnilegan.

Glæsilegur lokahnykkurinn er afturhlutinn dreginn sterkum línum með AMG-sportútblásturskerfi með tveimur krómuðum, tvöföldum púströrum í einkennandi hönnun fyrir S-gerðirnar sem og AMG-aftursvuntan með innfelldum, háglansandi svörtum loftdreifara ásamt þremur uggum og skrautlista úr silfurkrómi.

AMG-næturpakkinn fyrir ytra byrði, sem er fáanlegur sem aukabúnaður, undirstrikar sportlegt og svipsterkt yfirbragð bílsins með áberandi hönnunaratriðum í svörtum lit. Hann inniheldur: loftkljúf að framan, AMG-framsvuntu í háglansandi svörtu, innfellingar í AMG-sílsalistum í háglansandi svörtu, skraut á frambrettum í háglansandi svörtu með „V8 BITURBO 4MATIC+“-áletrun, hliðarspegla í háglansandi svörtu, skrautlista við gluggalínu og lista meðfram gluggalínum í háglansandi svörtu, hitadeyfandi skyggðar rúður aftan við miðdyrastaf sem og AMG-sportútblásturskerfi með tveimur svartkrómuðum, tvöföldum púströrum.

Í staðalútgáfu rennur Mercedes-AMG E 63 4MATIC+ á álfelgum sem eru 9,5 J x 19 (framan á) og 10 J x 19 (aftan á) með 10 örmum, lakkaðar í títangráum lit og gljáfægðar, með stærð hjólbarða 265/35 ZR 19 (framan á) eða 295/30 ZR 19 (aftan á). Mercedes-AMG E 63 S 4MATIC+ skilar sínum afköstum í staðalútgáfu á álfelgum sem eru 9,5 J x 20 (framan á) og 10 J x 20 (aftan á) með fimm tvöföldum örmum, lökkuðum í möttum títangráum lit og gljáfægðar, með stærð hjólbarða 265/35 ZR 20 (framan á) og 295/30 ZR 20 (aftan á).

Sportlegt og vandað innanrýmið er með útbúnað eins og AMG-sportsætin með sérstakri sætisgrafík og áklæði úr ARTICO-leðurlíki / DINAMICA-örtrefjaefni með rauðum skrautsaumum, sportlegt aðgerðastýri og AMG-sportfetla úr burstuðu ryðfríu stáli.

Til að gefa framúrskarandi stjórn á bílnum er AMG Performance-stýrið úr Nappa-leðri flatt að neðan og rifgatað þar sem mest er haldið um það. Silfurlitaðir gírskiptiflipar úr áli og „klukkan 12“-merking setja punktinn yfir i-ið á sportlegri hönnuninni.

Listar í hurðarfölsum úr burstuðu ryðfríu stáli með „Mercedes-Benz“-áletrun sem er upplýst í hvítu ljósi gefa bílnum sportlegan og fágaðan svip. Um leið verja þeir hurðarfölsin fyrir skemmdum.

Í staðalútgáfu býður sportlegt og vandað innanrýmið upp á útbúnað eins og sportsæti með frábærum hliðarstuðningi og AMG-áletrun á sætisbökum, AMG Performance-stýri sem er flatt að neðan og með þremur örmum sem og AMG-mælaborð með AMG-aðalvalmynd sem inniheldur RACETIMER og AMG-ræsingarskjámynd. Hrífandi AMG-hönnunin veitir innblástur og ökumaður fær verðmætar upplýsingar fyrir sportlegan akstur. Með RACETIMER er hægt að mæla lotutíma. Vandað álskraut og AMG-sportfetlar úr burstuðu ryðfríu stáli með gúmmítöppum leggja persónulegar áherslur.

Valfrjáls AMG Performance-sætin gefa enn betri hliðarstuðning á grundvelli þess hvernig sætishliðar og sætisbök eru mótuð auk þess sem útlit þeirra gefur innanrýminu sportlegt og svipmikið yfirbragð.

Til að gefa framúrskarandi stjórn á bílnum er AMG Performance-stýrið úr Nappa-leðri/DINAMICA-örtrefjaefni flatt að neðan og einnig klætt DINAMICA-örtrefjaefni þar sem mest er haldið um það. Silfurlitaðir gírskiptiflipar úr áli og „klukkan 12“-merking setja punktinn yfir i-ið á sportlegri hönnuninni.
Með AMG-stýrishnöppunum verður stýrið einstaklega sportlegt: Með þeim er hægt að stjórna tilteknum aksturseiginleikum bílsins á fljótlegan og markvissan hátt. Fyrir aksturstilfinningu með áherslu á einbeitingu og afköst – og ósvikið kappakstursyfirbragð í stjórnrýminu.

3,0 lítra sex strokka línuvél með afgasþjöppu, styttri skiptingartímar sem og AMG RIDE CONTROL+ sportfjöðrun sem byggist á AIR BODY CONTROL-loftfjöðrun eru bara nokkur dæmi um tæknilega hápunkta.
Fyrir sérstaklega tilfinningaríka akstursupplifun er hægt að stilla fjöðrunina frá þægilegri og upp í sérstaklega sportlega stillingu með AMG DYNAMIC SELECT.

Afkastamiðað fjórhjóladrifið frá Mercedes-AMG með breytilegri dreifingu snúningsvægis sameinar kosti fjórhjóladrifsins og afturdrifsins. Þetta skilar sér í besta mögulega togi og akstursöryggi sem og einstaklega skemmtilegum aksturseiginleikum.

AMG RIDE CONTROL+-fjöðrunin er gerð fyrir sérlega sportlegan akstur og sameinar í raun kosti mismunandi undirvagna. Fjölhólfa loftfjöðrun býður upp á breitt svið milli þægilegrar og sportlegrar stillingar og lagar sig að þyngd bílsins hverju sinni. Þannig upplifir þú einstaka aksturseiginleika við öll skilyrði – eins og þú vilt hafa þá.

4,0 lítra V8-vélin frá Mercedes-AMG hrífur með feikimiklum sprengikrafti um leið og hún býður upp á afar nákvæma stjórnun á afli. Twin-Scroll-forþjöppurnar eru staðsettar milli strokklokanna til að bæta viðbragðsgetu („hot inside-V“). Þegar aflþörfin er minni er strokkum slegið út til þess að draga úr eldsneytisnotkun.

AMG SPEEDSHIFT MCT 9G-skiptingin veitir þér frábæran stuðning í sérlega kraftmiklum akstri og setur sannkallaðan kappakstursneista í hverja ferð. Sportlegar og hraðar gírskiptingar eða þægilegar skiptingar sem þú finnur varla fyrir, allt eftir því hvaða aksturskerfi er valið: Þökk sé níu gírum notast vélin sérlega oft við besta snúningshraðann.

AMG RIDE CONTROL+-fjöðrunin er gerð fyrir sérlega sportlegan akstur og sameinar í raun kosti mismunandi undirvagna. Fjölhólfa loftfjöðrun býður upp á breitt svið milli þægilegrar og sportlegrar stillingar og lagar sig að þyngd bílsins hverju sinni. Þannig upplifir þú einstaka aksturseiginleika við öll skilyrði – eins og þú vilt hafa þá.