Kerfið gefur viðvörun þegar það greinir hættu á árekstri, veitir aðstoð við nauðhemlun og hemlar sjálfkrafa í neyðartilfellum. Það greinir ökutæki sem keyra hægt, ætla að nema staðar eða eru kyrrstæð, einnig umferð sem ekur þvert á þína akstursstefnu á vegamótum, öftustu ökutæki í umferðarteppu og gangandi vegfarendur innan hættusvæðis.

Blindsvæðisvarinn og virki akreinavarinn geta gefið bílstjóranum sjónræna og hljóðræna viðvörun við ökutækjum í blinda blettinum og ef hann fer óvart út af sinni akrein. Virki akreinavarinn getur hjálpað til við að koma í veg fyrir árekstur með því að hemla.

Kerfið getur greint og sýnt hraðatakmarkanir, innkeyrslu- og framúrakstursbönn og látið vita þegar þau falla úr gildi. Ef ekið er á móti uppgefinni akstursstefnu er gefin sjónræn og hljóðræn viðvörun.

PRE-SAFE®-hliðarviðbragð eykur öryggið með því að búa bílstjóra og farþega í framsæti undir hliðarárekstur. Viðbótarskynjarar geta greint hættu á hliðarárekstri af völdum annarra vegfarenda. Brugðist er við með því að færa farþega til með virkum öryggisbúnaði í sætum. Það getur dregið úr slysahættu.