Algengar spurningar um EQ Ready-appið

Hægt er að hefja og stöðva rakninguna hvenær sem er með því að ýta á hnapp í appinu. Til hægðarauka létum við rakninguna fara fram sjálfkrafa í appinu. Við notum mismunandi tækni og skynjara snjallsímans fyrir sjálfvirku rakninguna, eins og GPS-skynjara, hröðunarskynjara, loftvog, Wi-Fi, Bluetooth, staðsetningu nets, áttavita eða snúningsskynjara til að greina hvenær ferð hefst og hvenær henni lýkur. Gögnin eru ekki vistuð fyrr en akstur greinist. Við sjálfvirka greiningu á akstri er notuð tækni sem er enn ný af nálinni. Af þessum sökum geta orðið villur í greiningunni. Við vinnum stöðugt að því að bæta greiningargetuna.

Það getur komið fyrir að sjálfvirka rakningin skrái akstur ekki strax. Ástæðan er sú að tæknin sem er notuð er ný af nálinni, en einnig hafa móttökuskilyrði á hverjum tíma áhrif. Appið notar marga mismunandi skynjara snjallsímans sem í sameiningu greina þegar um akstur er að ræða. Þar sem tilteknir skynjarar eru háðir móttökuskilyrðum notandans getur komið til tafa við skráningu aksturs. Við vinnum að sjálfsögðu stöðugt að því að lágmarka þessa töf sem mögulega getur orðið svo hægt sé að rekja hverja einustu ferð að fullu.

Við notum eftirfarandi kennistærðir: hitastig, ekna kílómetra, aksturstíma, upplýsingar um hemlun og hraðaaukningu, hæðarmælingu og staðsetningargögn. Þannig getum við reiknað út mögulegt drægi og orkunotkun á sem raunsannastan hátt. Niðurstaðan verður einstaklingsbundin ráðlegging um það hvernig best er að nota rafbílinn með tilliti til aksturslags viðkomandi ökumanns. Við vinnum stöðugt að því að bæta útreikningana innan ramma þeirra tæknilegu framfara sem verða og fá þannig eins nákvæma niðurstöðu og hægt er.

Já, hægt er að breyta stillingunni hvenær sem er í "Snið - Fleiri stillingar“ í valmyndinni.

Já, eins og er skráir appið hverja einustu ferð í ökutæki. Þá skiptir engu hvort notandinn situr undir stýri eða er farþegi.

Já, í yfirliti yfir ferðir er hægt að eyða út stökum ferðum. Hægt er að breyta stillingunni hvenær sem er í "Snið - Fleiri stillingar“ í valmyndinni.

Já, hægt er að eyða út öllum ferðum í "Snið - Fleiri stillingar“ í valmyndinni.

Sjálfvirk greining á bílferðum byggist enn á mjög nýrri tækni. Því getur greiningin verið sein til að greina að um akstur er að ræða. Í sjaldgæfum tilvikum getur þetta því miður leitt til þess að sumar ferðir greinast aðeins að hluta eða alls ekki. Við vinnum stöðugt að því að bæta greiningargetuna.

Ef appið greinir ferð sem er ekki í samhengi við annað hefst næsta ferð ekki fyrr en rafhlaðan hefur verið hlaðin að fullu.

Já, með Predict-eiginleikanum getur notandi athugað fyrir fram hvort hægt sé að komast ákveðna leið á rafbíl.

Predict-eiginleikinn notar hraðasnið sem byggjast á reynsluupplýsingum. Þannig getum við ákvarðað af nokkurri nákvæmni hversu mikla orku þarf á leiðinni.

Við þróun appsins lögðum við mikið upp úr því að láta það nota sem allra minnst af hleðslu snjallsímans. Allt eftir snjallsíma og stýrikerfi getur orkunotkunin verið mismikil.

Í upphafi er nettenging nauðsynleg til að nýskrá sig og til að reikna út hermda raforkunotkun. Rakninguna sjálfa er hægt að framkvæma án internettengingar.

Já, appið virkar aðeins þegar það hefur aðgang að staðsetningu notandans. Í stýrikerfinu iOS ætti að vera stillt á „leyfa alltaf“ þegar appið biður um staðsetningargögn. Hægt er að afturkalla leyfið hvenær sem er í "Snið - Fleiri stillingar“ í valmyndinni.

Í appinu er úrval rafbíla (sem ganga fyrir rafmagni eingöngu eða að hluta) frá Mercedes-Benz Group AG.

Við þróun appsins var megináhersla lögð á að geta búið til eins nákvæma spá og mögulegt er svo notendur eigi kost á að leggja sem best mat á málið.
Fullkomin og alveg nákvæm hermun er því miður ekki möguleg vegna tæknilegra takmarkana. Við vinnum stöðugt að því að bæta útreikningana og fá þannig eins nákvæma niðurstöðu og hægt er.

Já, áður en lagt er af stað í fyrstu ferð er rafhlaða bílsins hlaðin upp að 100%.

Þegar bílnum er lagt nálægt hleðslustöð í einkaeigu (u.þ.b. 500 m) er hermdi bíllinn hlaðinn með hámarkshleðslugetu rafhlöðunnar eða hámarksafli hleðslustöðvarinnar.

Í appinu eru sýndar bæði almennar hleðslustöðvar og hleðslustöðvar í einkaeigu.

Nei, uppsettir hleðslustaðir eru sem stendur einkamál notandans og aðrir notendur EQ Ready-appsins sjá hvorki staðina né geta notað þá.

Þegar lagt er nálægt hleðslustað sem notandi hefur sjálfur sett upp er hermda ökutækið hlaðið með hámarkshleðslugetu þeirrar gerðar sem valin var og tiltækri getu viðkomandi hleðslustöðvar.

Útihiti er einn af mörgum þáttum sem hafa áhrif á drægi. Við settum þessa virkni inn svo notandinn geti séð hvaða áhrif útihitastig hefur á drægið.

Þættir eins og aksturslag, hraði, staðhættir og útihiti hafa áhrif á orkunotkun og þar með raunverulegt drægi. Jafn akstur á viðeigandi hraða getur aukið drægið.

Við lágt hitastig nálægt frostmarki getur komið fyrir að ekki sé hægt að keyra tengiltvinnbíla eingöngu á rafmagni þar sem notkun brunahreyfilsins hentar betur vegna varmans sem hann gefur frá sér.

Hægt er að nota EQ Ready-appið til að fylgjast með dagsdaglegum akstri og sjá þannig hvort rafbíll henti manni. Appið býr til hermun af rafbíl líkt og hann væri notaður eins og þú notar núverandi bílinn þinn dagsdagslega – og það í mörgum ferðum.