Mercedes-AMG GLA 35 4MATIC.

Áberandi AMG-grill með lóðréttum rimlum og einkennandi AMG-framsvunta með loftkljúf og hliðarraufum með silfurkrómuðu skrauti undirstrika voldugt yfirbragð nýja Mercedes-AMG GLA 35 4MATIC strax við fyrstu sýn. Og það er bara byrjunin.

Skiptu endilega um sjónarhorn – tilfinningin verður sú sama. Því afturhlutinn á Mercedes-AMG GLA 35 4MATIC er einnig svipsterkur með AMG-aftursvuntu með tveimur hringlaga púströrum og AMG-vindskeið á þaki. En það er ekki endirinn.

Því þú færð seint nóg af því að sjá kraftmikið yfirbragð nýja Mercedes-AMG GLA 35 4MATIC. Við getum vel skilið það. Hvað er þá meira við hæfi en AMG-álfelgur sem auka þessi áhrif enn frekar? Veldu úr fjölbreyttri og innblásinni hönnun frá 48,3 cm (19") til 53,3 cm (21").

Viðbæturnar í valfrjálsa AMG-loftmótstöðupakkanum voru þróaðar í vindgöngum með það fyrir augum að auka niðurþrýsting á miklum hraða og stuðla þannig að enn skemmtilegri aksturseiginleikum. Föst AMG-vindskeiðin að aftan, í háglansandi svörtum lit, er skýr yfirlýsing um afköst án málamiðlana.

GLA 45 S 4MATIC+ er öflugasti meðlimur Mercedes-AMG GLA-fjölskyldunnar og er meðal annars búinn AMG-útblásturskerfi með tveimur kringlóttum, krómuðum, tvöföldum púströrum sem hvert um sig er 90 mm í þvermál, með AMG-áletrun og riffluð að innanverðu.

Stærri loftkljúfur að framan, sem er innifalinn í AMG-loftmótstöðupakkanum, og viðbótarloftraufar í háglansandi svörtu auka niðurþrýstinginn sem verkar á bílinn og bæta þannig aksturseiginleika Mercedes-AMG GLA 45 4MATIC+ og GLA 45 S 4MATIC+.

Rauðlakkaðir hemlaklafarnir með svartri AMG-áletrun gefa skýrt til kynna að hér er öflugur bíll á ferð. Því með sex strokka hemlaklöfum og götuðum hemladiskum sem eru 360 mm í þvermál á framhjólum upplifir þú magnaða hemlun og hámarksnákvæmni í akstri – líka við mikið álag í lengri tíma.

MBUX-margmiðlunarkerfið með mælaborði ásamt AMG-valmynd sem og margmiðlunarskjá veitir sportlegar viðbótarupplýsingar og hönnun vísanna hefur einkennandi AMG-útlit. AMG-miðstokkurinn er eins og gerður fyrir afköst með sérstöku AMG-handfangi og AMG DRIVE UNIT, sem samanstendur af innbyggðum hnöppum sem stjórna stillingum fyrir beinskiptinguna, þriggja þrepa ESP® og valfrjálsu AMG RIDE CONTROL-fjöðrunina.

Þriggja arma AMG Performance-stýrið sem er flatt að neðan með snertihnöppum og skiptihandföngum úr áli er hægt að fá í þremur útfærslum. Hárnákvæm aksturstilfinning er ávallt innifalin. Með valfrjálsum AMG-stýrishnöppum nær kappaksturstilfinningin hæstu hæðum.

Rauðar áherslur prýða innanrýmið ásamt sportsætum staðalútfærslunnar. Áklæðin eru úr svörtu ARTICO leðurlíki/DINAMICA-örtrefjaefni og undirstrika svipsterkt yfirbragðið með andstæðum sem fást í gegnum rauðan, tvöfaldan skrautsaum og rauð designo-öryggisbelti. Finndu afköstin á eigin skinni.

Svo þú upplifir sannkallaða kappaksturstilfinningu í daglegum akstri: Með AMG-stýrishnöppunum í GLA 45 S 4MATIC+ getur þú stjórnað aksturseiginleikum bílsins á fljótlegan og hnitmiðaðan hátt. Fyrir aksturstilfinningu með áherslu á einbeitingu og afköst – og ósvikið kappakstursyfirbragð í stjórnrýminu.

Þegar frá verksmiðju er hljómurinn í GLA 45 (S) 4MATIC+ magnþrunginn. Með aukabúnaðinum AMG Real Performance Sound verður hljómurinn enn tjáningarríkari og þú stjórnar því hvernig forþjöppuvélin í bílnum hljómar. Hægt er að stilla það með hnappi hvort hljómurinn er sportlega hófstilltur (BALANCED) eða magnaður eins og í kappakstri (POWERFUL).

Í viðbótaraksturskerfinu „RACE“ er skerpt enn frekar á aksturseiginleikum GLA 45 S 4MATIC+ (GLA 45 4MATIC+ í tengslum við DYNAMIC PLUS-pakkann). Með einstaklega hröðum skiptingum, snörpum viðbrögðum við eldsneytisgjöf og sportlegustu fjöðrunarstillingunni er bíllinn tilbúinn til að takast á við hvaða áskorun sem er.

Njóttu sportlegs innanrýmis í fremsta gæðaflokki með AMG-leðurpakkanum. Tvílit leðursportsætin og skrautsaumar á mælaborði og neðri gluggabrúnum gefa bílnum einstaklega vandaðan svip. Með GLA 45 S 4MATIC+ er útbúnaðarpakkinn einnig fáanlegur með gulum skrautsaumum.

Hjartað í nýja Mercedes-AMG GLA 35 4MATIC er 2,0 lítra fjögurra strokka AMG-vél með 225 kW (306 hö.)[1]. Twinscroll-afgasþjappan skilar snöggum viðbrögðum þegar snert er við eldsneytisgjöfinni. Auk þess státar drifið af miklum togkrafti (400 Nm) og óvenjumiklum snúningskrafti. Það sameinar frábær viðbrögð á lágum snúningshraða og mikla aflaukningu við mikinn snúning og stuðlar þannig að skemmtilegum akstri við allar aðstæður.

Þessi gírkassi með tvöfaldri kúplingu umbreytir snerpu AMG-forþjöppuvélarinnar í tæra akstursánægju og býður upp á skiptingar líkt og í kappakstursbíl, en hann getur einnig lagt áherslu á þægilegar skiptingar. Með RACE START-eiginleikanum verður hröðun úr kyrrstöðu eins og best verður á kosið. Kveikjurof að hluta þegar sett er í hærri gír og sjálfvirk eldsneytisgjöf á milli skiptinga þegar sett er í lægri gír bjóða upp á magnaða hljóðupplifun, sérstaklega í aksturskerfinu S+. Þannig færðu það besta úr tveimur heimum.

Viðbragðsgott AMG Performance 4MATIC-fjórhjóladrifið með breytilegri afldreifingu umbreytir framúrskarandi afköstum vélarinnar í sem best hlutföll afls, togs og skilvirkni. Fjöldiskakúpling með sérstakri raf- og vélknúinni AMG-stýringu gerir kleift að notast við síbreytilega dreifingu á togi til drifhjóla miðað við akstursskilyrði hverju sinni. Útkoman er samspil framúrskarandi daglegs notagildis, skemmtilegra aksturseiginleika á götunni og jafnrar torfærugetu.

AMG RIDE CONTROL-fjöðrunin er aukabúnaður sem eykur akstursgetu bílsins enn frekar og leggur grunninn að gríðarlegum afköstum. Stillanleg fjöðrunin býður upp á breitt svið milli þægilegs og sportlegs aksturs. Ökumaður velur á milli „Comfort“, „Sport“ eða „Sport+“ með einum hnappi og eiginleikar fjöðrunarinnar breytast þá á svipstundu. Með „Comfort“ fæst gott jafnvægi fjöðrunareiginleika á meðan „Sport“ og „Sport+“ gera fjöðrunina stífari í sportlegum akstri. Þitt er valið!

Þriggja þrepa stöðugleikastýringin ESP® veitir bæði öryggi og ánægju í akstri, því hægt er að stilla aksturseiginleikana. Bílstjórinn notar ESP®-hnappinn til að velja á milli þriggja einstaklingssniðinna kerfa sem stjórna hegðun og inngripum ESP®-kerfisins: „ESP® ON” gefur mikið öryggi, „ESP® SPORT HANDLING MODE” fyrir sportlegt aksturslag með auknu snúningsvægi á afturási og „ESP® OFF” þegar ekið er á lokuðum brautum. Í AMG-mælaborðinu sést hvaða kerfi er virkt á hverjum tíma.

Hver sem eykur hraðann hratt vill einnig jafn snöggt hægja á sér. Öflugur AMG-hemlabúnaðurinn með silfurlituðum hemlaklöfum og svartri AMG-áletrun að framan passar fullkomlega við aflmikið drifið. Hann hemlar af mikilli nákvæmni og þolir mikið álag.

Þessi hátæknivél með tveggja lítra slagrými og TwinScroll-forþjöppu er sannkallað tryllitæki. Með 285 kW (387 hö.) og 480 Nm í GLA 45 4MATIC+ eða 310 kW (421 hö.) og 500 Nm í GLA 45 S 4MATIC+ er hún, rétt eins og fyrirrennarinn, kraftmesta fjöldaframleidda fjögurra strokka vél í heiminum.

Fjórhjóladrifið AMG Performance 4MATIC+ með AMG TORQUE CONTROL sameinar framúrskarandi aksturseiginleika og besta mögulega grip. Tvær rafeindastýrðar fjöldiskakúplingar á afturöxli skipta toginu markvisst milli vinstra og hægra afturhjólsins allt eftir aksturskerfi og aðstæðum hverju sinni.

Í GLA 45 S 4MATIC+ (GLA 45 4MATIC+ með AMG DYNAMIC PLUS-pakkanum) býður AMG DYNAMIC SELECT upp á aksturskerfið „RACE“ með snarpari stýringu á skiptingartíma, viðbrögðum við eldsneytisgjöf og fjöðrunarstillingu. Aksturseiginleikastjórnunin AMG DYNAMICS bætir dreifingu á drifkrafti og stýriseiginleikum við eiginleika ESP®.

Með öfluga AMG-hemlabúnaðinum býður GLA 45 4MATIC+ með grálökkuðum hemlaklöfum og hvítri AMG-áletrun upp á trausta hemlun við allar aðstæður. Stærri hemlabúnaðurinn á GLA 45 S 4MATIC+, sem myndi sóma sér vel á kappakstursbíl, vekur hins vegar eftirtekt með rauðlökkuðum hemlaklöfum og svartri AMG-áletrun.