Þægindi.

Allt eftir útbúnaði býður snertistjórnun MBUX upp á allt að 26 cm (10,25 tommu) stóran snertiskjá, snertiflöt og snertihnappa í stýri þar sem hægt er að stjórna og stilla nánast allt í bílnum með aðeins einum fingri. Eins einfalt og þægilegt og í snjallsímanum.

Talaðu við GLC-bílinn þinn. Með eðlilegri hætti en nokkru sinni fyrr. Ef þess er óskað leggur GLC Coupé ekki aðeins við hlustir með MBUX-raddstýringunni, heldur skilur einnig það sem þú segir og svarar. Þannig getur þú talað við bílinn eins og ekkert sé sjálfsagðara og stillt og stjórnað nánast öllu í bílnum. Segðu einfaldlega: „Hey Mercedes“. Og GLC Coupé er til þjónustu reiðubúinn.

Meiri upplýsingar, minni hætta. Með aukabúnaðinum Head-up-Display breytist framrúða GLC Coupé í glæsilegan stafrænan skjá. Hér hefur þú allar helstu upplýsingar beint fyrir augum í háskerpu og lit. Án þess að þurfa að taka augun af veginum. Þannig getur þú alltaf haft hugann við aksturinn.

Stundum lenda bestu hugmyndir okkar ofan í geymsluhólfum. Í GLC Coupé er nú hægt að hlaða samhæfa snjallsíma þráðlaust. Aðeins þarf að leggja símann á þar til gerðan hleðsluflöt í miðstokknum. Margmiðlunarkerfið ber þá sjálfkrafa kennsl á farsímann og hleðsla hefst. Kerfið greinir öll samhæf tæki, óháð gerð og framleiðanda.

Í GLC Coupé getur þú stjórnað snjallsímanum þínum alveg án snertingar. Þegar síminn hefur verið tengdur með Bluetooth, NFC eða USB-snúru birtast helstu forrit og eiginleikar símans á margmiðlunarskjánum þar sem hægt er að stjórna þeim á þægilegan hátt með snertiflötum eða raddstýringu.