Nýju Mercedes-AMG GLC Coupé-gerðirnar.

53,3 cm (21") þrýstimótaðar AMG-álfelgurnar með krossörmum eru með háglansandi svörtu lakki og gljáfægðri felgubrún. Fyrir nýja Mercedes-AMG 43 4MATIC GLC Coupé eru einnig í boði sérstakar 53,3 cm (21") AMG-álfelgur með fimm tvöföldum örmum.

Einnig er hægt að undirstrika sportlega eiginleika Mercedes-AMG GLC 43 4MATIC Coupé enn frekar. Með frekari háglansandi svörtum atriðum úr valfrjálsa AMG Optic-pakkanum: til dæmis háglansandi svörtum loftkljúfinum í framsvuntunni eða loftdreifinum í aftursvuntunni með háglansandi svörtum skrautlista. Ásamt hinum fjölmörgu dökku atriðum í valfrjálsa AMG-næturpakkanum skapar þetta tilkomumikinn og áberandi heildarsvip.

Nýi Mercedes-AMG GLC 43 4MATIC Coupé er að öllu leyti hreinræktaður AMG-bíll. Einnig að aftanverðu kemur AMG-svipurinn sterkt fram í loftdreifinum og kringlóttum tvöföldum púströrum AMG-útblásturskerfisins.

AMG-grillið með lóðréttum svörtum rimlum og skrautlista í háglansandi krómi tekur strax af allan vafa um það hvert Mercedes-AMG GLC Coupé á ættir sínar að rekja. Breið AMG-aurbrettin og trapisulaga púströrin undirstrika einnig sportlegan uppruna Mercedes-AMG GLC Coupé með greinilegum hætti.

Mercedes-AMG GLC Coupé er að öllu leyti hreinræktaður AMG-bíll. Einnig að aftanverðu kemur AMG-svipurinn sterkt fram í trapisulaga púströrunum og AMG-útblásturskerfinu.

53,3 cm (21") þrýstimótaðar AMG-álfelgurnar með krossörmum fást sérstaklega fyrir Mercedes-AMG GLC 63 4MATIC+ og 63 S 4MATIC+ Coupé og gefa bílnum kraftmikinn svip, rétt eins og þrýstimótuðu AMG-álfelgurnar með krossörmum, möttu svörtu lakki og gljáfægðum felgubrúnum.  

AMG Performance-sætin eru sérhönnuð fyrir sportlegt aksturslag: Sætisstaðan heldur þér í réttri stöðu sem tryggir að þú haldir góðri stjórn á bílnum í kraftmiklum akstri og njótir meiri þæginda á langferðum. Með útliti sínu undirstrikar einstök hönnun sætanna jafnframt sportlega sérstöðu nýja Mercedes-AMG GLC Coupé.

AMG Performance-stýrið er klætt stömu DINAMICA-örtrefjaefni. Þannig missir þú aldrei gripið og hefur alltaf góða stjórn á bílnum í sportlegum akstri. Sportlegt yfirbragð stjórnrýmisins kemur einnig fram í flatri lögun stýrisins, sem er dæmigerð fyrir AMG. Með þægilegum snertihnöppum getur ökumaður framkvæmt ýmsar aðgerðir á einfaldan hátt og haldið þannig fullri og óskertri athygli á veginum fram undan.

Með nýstárlega MBUX-kerfinu (Mercedes-Benz User Experience) verður nýi Mercedes-AMG GLC Coupé að þínum persónulega Mercedes-AMG GLC Coupé. Viðbótareiginleikar MBUX-kerfisins laga sig að þér og gera þig nátengdari bílnum. Þú þarft aðeins að segja „Hey Mercedes“ og MBUX-kerfið býr til persónuleg notendasnið fyrir þig eða birtir þér spár – innbyggður þráðlaus Wi-Fi-aðgangsstaður fullkomnar síðan stafrænu tenginguna.

Margmiðlunarskjárinn í Mercedes-AMG GLC Coupé bregst beint við snertiskipunum þínum og hægt er að stjórna honum með jafn einföldum og aðgengilegum hætti og snjallsíma eða spjaldtölvu. Hann býður upp á frábær myndgæði og sýnir margmiðlunarefni í tærri háskerpu. Og þar sem frábær gæði kalla einnig á frábæra hönnun er stór skjárinn undir samfelldu gleri.

Eins og tilheyrir fyrir bíla úr AMG-fjölskyldunni getur þú einnig upplifað ósvikna kappakstursstemningu í stjórnrými Mercedes-AMG GLC Coupé: Með AMG-stýrishnöppunum verður stýrið einstaklega sportlegt og hægt er að stjórna ýmsum aðgerðum sem tengjast aksturseiginleikum á fljótlegan og markvissan hátt. Þú þarft því ekki að taka augun af veginum og getur notið akstursins með fullri einbeitingu.

MBUX-viðbótarveruleiki fyrir leiðsögukerfi tengir sýndarheiminn og þann raunverulega saman með því að fella akstursleiðsögn og umferðarupplýsingar inn í myndina frá myndavélinni. Myndavél í framrúðunni myndar svæðið fyrir framan bílinn, sendir myndina í margmiðlunarskjáinn og áherslumerkir upplýsingar á borð við húsnúmer eða götuheiti. Þannig hefur þú betri yfirsýn og kemst fljótt, örugglega og afslappað á áfangastað.

Nýi Mercedes-AMG GLC Coupé sækir einkennandi AMG-akstursgetuna til 3,0 lítra V6-vélarinnar með tvöfaldri forþjöppu sem Mercedes-AMG hefur þróað áfram sem og til afkastamiðaðs fjórhjóladrifsins AMG Performance 4MATIC með sérstakri AMG-afldreifingu.

Afkastamiðað fjórhjóladrifið AMG Performance 4MATIC sér fyrir sérstakri AMG-afldreifingu með 31% á framhjólum og 69% á afturhjólum. Útkoman er dæmigert „AMG Driving Performance“ sem einkennist af magnaðri hröðun, aukinni akstursgetu og framúrskarandi aksturseiginleikum í beygjum.

AMG RIDE CONTROL+-undirvagninn sameinar kosti mismunandi undirvagna og býður þannig upp á einstök afköst við allar aðstæður. Fjölhólfa loftfjöðrun þessa sportlega undirvagns býður upp á breitt svið milli þægilegrar og sportlegrar stillingar og lagar sig að þyngd bílsins hverju sinni.

Með AMG 4,0 lítra V8-vélinni með tvöfaldri forþjöppu sem skilar 350 kW (476 hö.) og 650 Nm hámarkstogi fer nýi Mercedes-AMG GLC Coupé létt með að sýna akstursgetu sem myndi sóma sér vel á kappakstursbraut. Um leið býður hann upp á mikið daglegt notagildi, því hægt er að stilla AMG-sportundirvagninn til samræmis við akstursskilyrði eftir þörfum.

AMG SPEEDSHIFT MCT 9G sér til þess að unnendur kappaksturs njóti sín til fulls. Enda býður hann upp á einstaklega kraftmikið aksturslag með sportlega hröðum gírskiptingum og skiptingum sem þú tekur varla eftir, allt eftir akstursstillingu. Níu gírar sjá til þess að vél Mercedes-AMG GLC Coupé sé sem oftast á besta snúningshraða og bjóða þannig upp á framúrskarandi samspil sparneytni, akstursgetu og öryggis.

Trefjastyrkti AMG-bremsubúnaðurinn passar fullkomlega við drifkraft Mercedes-AMG GLC 63 S 4MATIC+. Hann hemlar af mikilli nákvæmni og þolir mikið álag. Stórir hemladiskarnir eru loftkældir innan frá og gataðir – það gerir þá léttari og bílinn þannig liprari. Auk þess undirstrika rauðlakkaðir hemlaklafarnir með „AMG“-áletrun einnig afkastagetu hemlakerfisins.