Hönnun.

Svipsterk hönnun AMG Line gefur ytra byrði bílsins sportlegt og vandað yfirbragð. Þannig gefur þú skýra yfirlýsingu um kraftmikla hönnun. Tæknileg sérkenni bílsins bjóða auk þess upp á umtalsvert skemmtilegri akstur, því lipur sportfjöðrunin með sportlegri beinstýringu sér til þess að bíllinn láti einstaklega vel að stjórn í kraftmiklum akstri. AMG Line í innanrýminu gerir bílinn enn sportlegri – bæði sýnilega og áþreifanlega. Þannig gefur þú skýrt og greinilega til kynna hvað skiptir þig máli: Kraftmikið og fágað yfirbragð hvert sem litið er.

Með EXCLUSIVE-innanrýminu sýnir þú hvað skiptir þig máli: Framúrskarandi glæsileiki og fyrsta flokks gæði hvert sem litið er. Íburðarmiklar áherslur og fágað yfirbragð innanrýmisins, meðal annars með sérhönnuðum sætum og vönduðu mælaborði, mun veita þér ómælda ánægju á degi hverjum.

Gefðu bílnum voldugt yfirbragð: Með útbúnaðarlínunni OFF-ROAD fyrir ytra byrði sker GLC-bíllinn þinn sig örugglega úr fjöldanum. Á meðal hápunkta eru krómatriði á framhlið og 45,7 cm (18 tommu) álfelgur. Undirvagn með meiri hæð frá jörðu og stærra aðfallshorn framstuðara býður upp á meira svigrúm í torfærum.

Þegar í staðalútfærslu er ytra byrði bílsins einstaklega glæsilegt. Meðal annars vegna sérstakra hönnunarþátta úr krómi og flottra álfelga. Sýnileg krómuð púströrin undirstrika kraftmikið útlit bílsins. Staðalútfærsla innanrýmisins býður upp á tímalaust aðdráttarafl. Flæðandi form, dökkur glæsileiki og mjúkar andstæður geta af sér heildarsvip í anda naumhyggju og túlka nútímalegan lúxus á nýjan hátt. Sætin í staðalútfærslu, sem eru að hluta til rafknúin, bjóða upp á einstök þægindi – líka á langferðum.

Hvort sem hún er opin eða lokuð: Með Panorama-þaklúgunni upplifir þú heillandi frelsistilfinningu og nýtur þægilegrar birtu í innanrýminu. Stór þaklúgan hefur einnig mikil áhrif á ytra útlit bílsins, því hún gefur honum létt og fágað yfirbragð.

Fyrir fullkomið skyggni: MULTIBEAM LED-aðalljósin bregðast fljótt við umferðaraðstæðum með LED-ljósum sem hægt er að stjórna hverju fyrir sig. Háljós að hluta passa að lýsa ekki á aðra vegfarendur og blinda þá. ULTRA RANGE-háljósin auka lýsingu fram á veg upp að leyfilegu hámarki. Beygju- og sveigjuljós lýsa sjónsviðið einnig upp eins og best verður á kosið.

Næturpakkinn gerir bílinn enn glæsilegri: Mörg atriði á ytra byrði eru í svörtum lit. Það undirstrikar sportlega eiginleika og sérstöðu bílsins. Og þú sýnir þannig smekk fyrir svipsterkri hönnun og sportlegri fágun.