Nýju Mercedes-AMG GLC-gerðirnar.

Þrýstimótaðar AMG-álfelgurnar með krossörmum eru með háglansandi svörtu lakki og gljáfægðri felgubrún. Fyrir Mercedes-AMG GLC 43 4MATIC eru einnig í boði sérstakar 53,3 cm (21") álfelgur með fimm tvöföldum örmum.

Nýi Mercedes-AMG GLC 43 4MATIC sýnir „AMG Performance“ frá toppi til táar. Því einnig að aftanverðu kemur AMG-svipurinn sterkt fram í loftdreifinum með tveimur kringlóttum tvöföldum púströrum og AMG-útblásturskerfinu.

Hægt er að gera Mercedes-AMG GLC 43 4MATIC enn sportlegri. Með frekari háglansandi svörtum atriðum úr valfrjálsa AMG Optic-pakkanum: til dæmis háglansandi svörtum loftkljúfinum í framsvuntunni eða loftdreifinum í aftursvuntunni með háglansandi svörtum skrautlista. Ásamt hinum fjölmörgu dökku atriðum í valfrjálsa AMG-næturpakkanum skapar þetta tilkomumikinn og áberandi heildarsvip.

AMG-grillið með lóðréttum svörtum rimlum og skrautlista í háglansandi krómi tekur strax af allan vafa um það hvert nýi Mercedes-AMG GLC 63 4MATIC+ og nýi 63 S 4MATIC+ eiga ættir sínar að rekja. Breið AMG-aurbrettin og trapisulaga púströrin undirstrika einnig sportlegan uppruna þessara tveggja nýju Mercedes-AMG GLC-gerða með afgerandi hætti.

Bæði nýi Mercedes-AMG GLC 63 4MATIC+ og nýi GLC 63 S 4MATIC+ skarta tilkomumikilli AMG-hönnun allt frá stuðara til farangursrýmis. AMG-svipurinn kemur því einnig sterkt fram að aftanverðu með breiðara AMG-aurbretti og trapisulaga púströrum.

53,3 cm (21") álfelgurnar með fjölarma hönnun fást sérstaklega fyrir Mercedes-AMG GLC 63 4MATIC+ og GLC 63 S 4MATIC+ og gefa bílnum kraftmikinn svip, rétt eins og þrýstimótuðu AMG-álfelgurnar með krossörmum, möttu svörtu lakki og gljáfægðum felgubrúnum.

Performance-sætin eru sérhönnuð fyrir sportlegt aksturslag: Sætisstaðan heldur þér í réttri stöðu sem tryggir að þú haldir góðri stjórn á bílnum í kraftmiklum akstri og njótir meiri þæginda á langferðum. Með útliti sínu undirstrikar einstök hönnun sætanna jafnframt sportlega sérstöðu þriggja nýju Mercedes-AMG GLC-gerðanna.

Valfrjálsa AMG Performance-stýrið er klætt stömu DINAMICA-örtrefjaefni. Þannig missir þú aldrei gripið og hefur alltaf góða stjórn á bílnum í sportlegum akstri. Sportlegt yfirbragð stjórnrýmisins kemur einnig fram í flatri lögun stýrisins, sem er dæmigerð fyrir AMG. Með þægilegum snertihnöppum getur ökumaður framkvæmt ýmsar aðgerðir á einfaldan hátt og haldið þannig fullri og óskertri athygli á veginum fram undan.

Tengstu bílnum nánar – og gerðu hann að þínum. Því eiginleikar MBUX-kerfisins laga sig að þér. Þú segir einfaldlega „Hey Mercedes“ og þá hlustar MBUX-kerfið eftir því hvað þú vilt. Notendasnið, spáeiginleikar og þráðlaus Wi-Fi-aðgangsstaður skilgreina stafræna nettengingu alveg upp á nýtt.

Margmiðlunarskjárinn í nýja Mercedes-AMG GLC 63 4MATIC+ og GLC 63 S 4MATIC+ bregst beint við snertiskipunum þínum og hægt er að stjórna honum með jafn einföldum og aðgengilegum hætti og snjallsíma eða spjaldtölvu. Hann býður upp á frábær myndgæði og sýnir margmiðlunarefni í tærri háskerpu. Og þar sem frábær gæði kalla einnig á frábæra hönnun er stór skjárinn undir samfelldu gleri.

Eins og tilheyrir fyrir bíla úr AMG-fjölskyldunni getur þú einnig upplifað ósvikna kappakstursstemningu í stjórnrými nýja Mercedes-AMG GLC 63 4MATIC+ og GLC 63 S 4MATIC+: Með AMG-stýrishnöppunum verður stýrið einstaklega sportlegt og hægt er að stjórna ýmsum aðgerðum sem tengjast aksturseiginleikum á fljótlegan og markvissan hátt. Þú þarft því ekki að taka augun af veginum og getur notið akstursins með fullri einbeitingu.

Tengstu bílnum nánar – og gerðu hann að þínum. Því eiginleikar MBUX-kerfisins laga sig að þér. Þú segir einfaldlega „Hey Mercedes“ og þá hlustar MBUX-kerfið eftir því hvað þú vilt. Notendasnið, spáeiginleikar og þráðlaus Wi-Fi-aðgangsstaður skilgreina stafræna nettengingu alveg upp á nýtt.

Aflmeiri 3,0 lítra V6-vél með tvöfaldri forþjöppu og afkastamiðað fjórhjóladrifið AMG Performance 4MATIC með sérstakri AMG-afldreifingu sjá fyrir dæmigerðu „AMG Driving Performance“ í nýja Mercedes-AMG GLC 43 4MATIC.

Afkastamiðað fjórhjóladrifið AMG Performance 4MATIC sér fyrir sérstakri AMG-afldreifingu með 31% á framhjólum og 69% á afturhjólum. Útkoman er dæmigerð „AMG Driving Performance“ sem einkennist af magnaðri hröðun, aukinni akstursgetu og framúrskarandi aksturseiginleikum í beygjum.

AMG RIDE CONTROL+-undirvagninn sameinar kosti mismunandi undirvagna og býður þannig upp á einstaka aksturseiginleika við allar aðstæður. Þessi sportlegi undirvagn með fjölhólfa loftfjöðrun býður upp á breitt svið milli þægilegrar og sportlegrar stillingar og lagar sig að þyngd bílsins hverju sinni.

Með AMG 4,0 lítra V8-vél með tvöfaldri forþjöppu sem skilar 350 kW (476 hö.) og 650 Nm fara bæði Mercedes-AMG GLC 63 4MATIC+ og GLC 63 S 4MATIC+ (375 kW (510 hö.) og 700 Nm) létt með að sýna akstursgetu sem myndi sóma sér vel á kappakstursbraut. Um leið býður hann upp á mikið daglegt notagildi, því hægt er að stilla AMG-sportundirvagninn til samræmis við akstursskilyrði eftir þörfum.

Sjálfskiptingin AMG SPEEDSHIFT MCT 9G sér til þess að unnendur kappaksturs njóti sín til fulls. Enda býður hún upp á einstaklega kraftmikið aksturslag með sportlega hröðum gírskiptingum og skiptingum sem þú tekur varla eftir, allt eftir akstursstillingu. Níu gírar sjá til þess að vél Mercedes-AMG GLC 63 4MATIC+ og GLC 63 S 4MATIC+ sé sem oftast á besta snúningshraða og bjóða þannig upp á framúrskarandi samspil sparneytni, akstursgetu og öryggis.

Trefjastyrkti AMG-bremsubúnaðurinn passar fullkomlega við drifkraft Mercedes-AMG GLC 63 S 4MATIC+. Hann hemlar af mikilli nákvæmni og þolir mikið álag. Stórir hemladiskarnir eru loftkældir innan frá og gataðir – það gerir þá léttari og bílinn þannig liprari. Auk þess undirstrika rauðlakkaðir hemlaklafarnir með „AMG“-áletrun einnig afkastagetu hemlakerfisins.