Hönnun.

Við sköpum tungumál formsins sem ökutæki framtíðarinnar nota.

Design Insight

Design Insight.

Design Insight

Design Insight.

Stefna

Hönnunarstefna Mercedes-Benz.

Hönnun skapar hið óvenjulega og stuðlar verulega að því að móta heildarímynd vörumerkisins á opinberum vettvangi. Á spennusviði milli hefðar og nútíma draga starfsmenn hönnunarsviðs Daimler upp bíla framtíðarinnar.

Fyrir þá er heildræn nálgun ómissandi, því bæði vörur og vörumerki Mercedes-Benz Group AG krefjast fullkominnar framsetningar. Þess vegna hannar þetta alþjóðlega teymi, sem er leitt af hönnunarstjóra Daimler, Gorden Wagener, öll vörumerki og vörur fyrirtækisins – allt frá bílum til heildrænnar, samræmdrar hönnunar allra vörumerkja samsteypunnar. Hönnuðirnir skapa þannig allt viðmót fyrirtækisins gagnvart viðskiptavinum og um leið alhliða upplifun.

Frekari upplýsingar

+

Ferlið

Verklag við hönnun hjá Mercedes-Benz.

Vinna hönnuðar einkennist af nýsköpunargleði og ást á smáatriðum. Frá fyrstu hugmyndum til gerðarsamþykkis líða ár þar sem hönnuðir vinna saman skref fyrir skref að lokaútgáfu bílsins. Frá upphaflegri samkeppni mismunandi hönnunar skapar teymið næstu kynslóð Mercedes-Benz.

Hönnunarferlið er óaðskiljanlegur þáttur þróunarferlisins (Mercedes-Benz Development System). Hönnuðirnir vinna í nánu samstarfi við rannsóknar-, þróunar- og framleiðsludeildir, koma sér saman um stærðir bíla, efnisval og framleiðsluaðferðir og tryggja þannig einnig framleiðsluhæfni þeirra.

Frekari upplýsingar

+

Design Code

Skilgreining á skynrænum hreinleika.

„Design Code“ hjá Mercedes-Benz.

Hönnunarstefnan um skynrænan hreinleika sem birtingarmynd nútímalegs lúxuss er þungamiðja vinnu hönnuða hjá Mercedes-Benz. Hún er skilgreind með svokölluðum „Design Code“. Hann byggist á sex viðmiðunum sem eru túlkaðar fyrir hverja gerð fyrir sig, þannig að sérhver bíll hefur sín sérstöku einkenni en er um leið auðþekkjanlegur sem Mercedes-Benz.

Frekari upplýsingar

+

Advanced Design Studios

Advanced Design Studios.

Samtal við framtíðina.

Advanced Design Studios

Advanced Design Studios.

Samtal við framtíðina.

Hönnunardeild Daimler þróar á hverjum degi bíla sem munu fyrst sjást á götunni eftir nokkur ár. Enn lengra inn í framtíðina ferðast samstarfsmenn þeirra í Mercedes-Benz Advanced Design-hönnunarstofunum, sem eru fimm talsins. Þeir hugsa oft áratug eða lengur fram í tímann. Með því leggja þeir ekki einungis áherslu á innanlandsmarkaðinn, heldur taka einnig mið af straumum og stefnum frá öðrum heimsálfum og menningarheimum.

Verkefni þeirra er að hugsa framtíðina á heimsvísu, rækta menningarsamskipti og rannsaka strauma og stefnur. Þess vegna eru líka fjórar af fimm Advanced Design-hönnunarstofum Mercedes-Benz staðsettar á erlendri grundu. Þetta snýst ekki um að eltast við tískubólur, heldur að finna langtímastrauma og -stefnur sem munu auka verðmæti vörumerkis Mercedes-Benz í áratugi, hugmyndir sem standast ströngustu kröfur í sambandi við tækni, frammistöðu, þægindi og öryggi. Advanced Design-hönnunarstofurnar eru skapandi rými þar sem hönnuðirnir geta gefið ímyndunaraflinu lausan tauminn án þess að þurfa að hugsa strax um fjöldaframleiðslu.

Frekari upplýsingar

+

Advanced Design-hönnunarstofurnar - Staðsetningar

Advanced Design-hönnunarstofurnar - Staðsetningar.

Advanced Design-hönnunarstofurnar - Staðsetningar

Advanced Design-hönnunarstofurnar - Staðsetningar.

Carlsbad

Advanced Exterior Design Studio Carlsbad.

Advanced Design-hönnunarstofurnar eru skapandi rými þar sem hönnuðirnir geta gefið ímyndunaraflinu lausan tauminn án þess að þurfa að hugsa strax um fjöldaframleiðslu. Í Carlsbad í Kaliforníu þróa hönnuðir ytra byrði sýningarbíla, hugmyndabíla og aksturslausna framtíðarinnar. Andi Kaliforníu hefur bein áhrif á starfsemina rétt eins og nálægðin við Hollywood. Í Carlsbad þróast þar af leiðandi sérstök sköpunargleði sem setur einnig mark sitt á hönnun framleiðslubíla hjá Mercedes-Benz og opnar fyrir ný sjónarhorn.

Annað verkefni sem hönnunarstofan hefur er að greina stefnur og hugmyndir frá bandaríska bílaheiminum, sem geta að hluta til verið ólíkar þeim evrópsku.

Í öllum verkefnum þeirra endurspeglast hins vegar hin einstaka hönnunarstefna Mercedes-Benz um skynrænan hreinleika. Hönnunarstofan í Carlsbad starfar einnig náið með hinum Advanced Design-hönnunarstofunum.

Como

Advanced Interior Design Studio Como.

Í hönnunarstofunni í Como vinna hönnuðirnir að hugmyndum um innanrými sem liggja langt inni í framtíðinni, þar sem „Color & Trim“ leika stórt hlutverk.

.

Villan, reist árið 1750 og staðsett í þríhyrningnum milli Como, Mílanó og Tórínó, veitir hönnuðunum sérstakan innblástur með sínum upprunalegu freskum, löngum göngum og mismunandi gólfum úr terracotta og viði. Hér á húsgagna- og tískuiðnaðurinn heima og þessi áþreifanlega nálægð hefur áhrif á daglega vinnu hönnuðanna.

Þar sem hefðbundið handverk hefur þar mikið vægi er það fullkomið umhverfi fyrir Advanced Interior Design-hönnunarstofuna. Þannig eru hinir skapandi hugar í Como mjög opnir fyrir svæðisbundnum áhrifum og gæða þessar hugmyndir lífi með nýrri hönnun fyrir innanrými. Nýjar hugmyndir fylgja nýjum litum og efnum og samsetning þeirra er stöðugt skilgreind á nýjan leik, smáatriði þróuð og lögun innanrýmis stöðugt endurbætt í samræmi við hönnunarstefnuna um skynrænan hreinleika.

Peking

Advanced Design Studio Beijing.

Advanced Design-hönnunarstofan í Peking er hjarta rannsókna- og þróunarmiðstöðvarinnar á staðnum og hin nýja hönnunarmiðstöð fyrirtækisins í Asíu. Aðalmarkmið hennar er að sjá kínverskum viðskiptavinum fyrir enn magnaðra Mercedes-Benz-vörumerki. Sem nokkurs konar jarðskjálftamælir fyrir hönnunar-, menningar og akstursstefnur er hönnunarstofan órjúfanlegur þáttur hins alþjóðlega hönnunarkerfis Daimler. Hinn skapandi innblástur frá Kína hefur mikil áhrif á vinnu hönnuða Mercedes-Benz. Verkefnin ná frá háþróuðum hugmyndabílum til mismunandi samvinnuverkefna með hinum hönnunarstofunum og samkeppni þeirra á milli í sambandi við hönnun á bílum til fjöldaframleiðslu.

Sindelfingen

Advanced Design-hönnunarstofan í Sindelfingen.

Advanced Design-miðstöðin í Sindelfingen er hugmyndasmiðja hönnunar Mercedes-Benz. Fegurð öðlast dýpri merkingu með því að vísa til framtíðar. Innblásnir af þessum anda vinna hönnuðirnir í Sindelfingen daglega að því að skapa ökutæki framtíðarinnar. Þeir túlka persónulegan og menningarlegan innblástur og umbreyta í sýn um aksturslausnir framtíðarinnar og gefa ímyndunaraflinu lausan tauminn: Hér verða til sýningarbílar, tilraunabílar og vöru- og hönnunartillögur. Hér er tekin ákvörðun um það hvaða hönnunartungumál vörumerkið mun tala eftir 20 eða 30 ár.

Sunnyvale

Advanced UX Design Studio Sunnyvale.

Mercedes-Benz Advanced Design Center í Sunnyvale er hluti af Mercedes-Benz Research & Development North America, Inc. Staðsetningin er fullkomin fyrir náið samstarf við sérfræðinga á mismunandi sviðum: Hér njótum við ekki einungis góðs af nálægðinni við hina virtu háskóla Stanford og Berkeley, heldur eigum við einnig í miklum samskiptum við hin fjölmörgu hátæknifyrirtæki á svæðinu og teymin veita hvert öðru innblástur og grípa stefnur á lofti sem koma fram í sýningarbílum og framleiðslubílum dagsins í dag.

Sérfræðingar Advanced Design-hönnunarstofunnar í Sunnyvale einbeita sér að hönnun stafræns notendaviðmóts og gagnvirkni fyrir bíla með áherslu á notendaviðmót fyrir framtíðarbíla Mercedes-Benz, hugmynda- og tilraunabíla ásamt fleiri stafræna notkunarmöguleika. Í samstarfi við verkfræðinga þróa hönnuðirnir framsækið efni, hugmyndir, hönnun og frumgerðir sem tengjast bílum framtíðarinnar. Auk þess vinna þeir að stefnumótun með tilliti til samfélags-, menningar- og tæknilegra strauma og stefna.

Mercedes-AMG GT Concept

Ýtrasta tjáning: Hönnun Mercedes-AMG GT Concept.

Sportbílavörumerkið AMG Future Performance kynnir „hybrid“-sýningarbílinn.

Mercedes-AMG GT Concept

Ýtrasta tjáning: Hönnun Mercedes-AMG GT Concept.

Sportbílavörumerkið AMG Future Performance kynnir „hybrid“-sýningarbílinn.

Fjögurra dyra sportbíll frá Affalterbach.

Með Mercedes-AMG GT Concept-sýningarbílnum gefur sportbíla- og Performance-vörumerkið okkur innsýn inn í hvaða nýju drifkerfi AMG er að hanna. Þessi fjögurra dyra sportbíll frá Affalterbach mun skrifa næsta kafla í árangurssögu AMG GT.