Útbúnaður og fylgihlutir fyrir Vito sendibílinn.

Akstursaðstoðarpakkinn stuðlar að öryggi í akstri með skynvæddum kerfum og getur hjálpað til við að koma í veg fyrir slys.

Akreinapakkinn hjálpar ökumanninum að halda sig á akreininni og að skipta um akrein á vegum með mörgum akreinum.

Speglapakki Vito eykur þægindi og öryggi í akstri með hliðarspeglum sem myrkvast sjálfkrafa og falla að bílnum.

Með Topload-pakkanum er hægt að flytja stiga með einföldum og öruggum hætti á þaki bílsins.

Heilt skilrúm við miðdyrastaf ver ökumann og farþega gegn farminum, lokar á milli ökumannsrýmisins og hleðslurýmisins og heldur óhreinindum, ryki og hávaða frá ökumannsrýminu.

Með hjálp festibrauta á báðum hliðarveggjum er hægt að festa fyrirferðarmiklar vörur í hálfri hæð við flutninga með festiólum svo þær detti ekki um koll eða renni til.

Sterkbyggt viðargólfið þolir þungan farm, ver gólf hleðslurýmisins gegn skemmdum, er stamt, auðvelt í þrifum og bætir hita- og hljóðeinangrun.

Rennihurðin býður upp á aðgengi að hleðslurýminu frá hlið og þar með þægilega fermingu og affermingu.

Afturhlerinn opnar hleðslurýmið upp á gátt og býður þannig upp á þægilega fermingu og affermingu, líka á fyrirferðarmiklum farangri eða farmi.

Með rafstýringu rennihurðar hægra megin eða valfrjálsu rennihurðarinnar vinstra megin er hægt að opna og loka hurðinni með því að ýta á hnapp

Læsanlegi þakberinn býður upp á fljótlega og sveigjanlega festingu á mismunandi flutningslausnum Mercedes-Benz, eins og skíða- og snjóbrettagrindum, hjólagrindum eða þakboxum.

THERMOTRONIC stjórnar sjálfkrafa hita, loftflæði og loftdreifingu, aðskilið fyrir ökumann og framsætisfarþega.

Brekkuaðstoðin hjálpar ökumanninum að taka af stað upp brekku á öruggan hátt með því að halda hemlunarþrýstingi í stutta stund til þess að koma í veg fyrir að bíllinn renni aftur á bak.

Hægt er að stilla stýrið vélrænt með stöng á stýrissúlunni um 4,8° á hæðina og 60 mm á lengdina.

Gluggi á afturhlera með þurrku og rúðusprautu auk afturrúðuhitunar tryggir útsýni aftur fyrir bílinn í köldu og blautu veðri.

Sex gíra beinskiptingin býður upp á gott jafnvægi á milli mikilla akstursþæginda og lítillar eldsneytisnotkunar.

Stór eldsneytisgeymirinn rúmar um 70 lítra og býður þannig upp á aukið drægi auk þess að spara tíma þar sem sjaldnar þarf að taka eldsneyti.

Hemlaljósin sem laga sig að aðstæðum geta stytt viðbragðstíma ökutækja sem á eftir koma með áberandi blikki og komið þannig í veg fyrir aftanákeyrslu.

Akreinavarinn getur komið í veg fyrir slys sem verða þegar óviljandi er farið út af akrein

Blindsvæðisvarinn getur hjálpað til við að koma í veg fyrir slys þegar skipt er um akrein, til dæmis á hraðbrautum.

Myndin sýnir Vito Tourer.

Aðalljósaaðstoðin kveikir eða slekkur sjálfkrafa á aðalljósunum eftir birtuskilyrðum en það eykur þægindi í akstri fyrir ökumanninn og umferðaröryggi.

Bakkmyndavélin sýnir umhverfið beint fyrir aftan bílinn á skjá margmiðlunarkerfisins og getur þannig hjálpað til við að koma í veg fyrir tjón þegar lagt er í stæði og bíllinn er færður til.