Útbúnaður og fylgihlutir fyrir Vito Tourer.

Akstursaðstoðarpakkinn stuðlar að öryggi í akstri með skynvæddum kerfum og getur hjálpað til við að koma í veg fyrir slys.

Hljóðvistarpakkinn bætir hljóðvist í innanrýminu og eykur þar með þægindi í akstri.

Krómpakkinn fyrir innanrýmið gerir rými ökumanns- og framsætisfarþega enn glæsilegra með skrauti í mælaborði og í hurðunum að framan.

Legubekkspakkinn býður upp á þægilega svefnaðstöðu – án þess að forvitin augu trufli.

Sportpakkinn fyrir ytra byrði inniheldur filmur í andstæðum lit, léttmálmsfelgur og önnur vönduð hönnunaratriði sem gefa bílnum sportlegan og sterkan svip.

Stillanlega farþegasætið frammi í styður vel við líkamann, er klætt fallegu og slitsterku efni og býður upp á handvirkar stillingar á fjóra vegu og mikil þægindi.

Vandað Comfort-þakstjórnborðið býður upp á margvíslega kosti í lýsingu rýmisins og hentugt gleraugnahólf.

Brautakerfið með hraðfestingu býður upp á að hafa sætin og sætisbekki á mismunandi stöðum en gagnast einnig við að festa niður farangur eða farm.

Hægt er að opna og loka rafdrifnu rennihurðinni hægra megin með einum takka án þess að bílstjórinn þurfi að fara út úr bílnum eða að farþegarnir þurfi að opna eða loka hurðinni.

Afturhlerinn opnar hleðslurýmið upp á gátt og býður þannig upp á þægilega fermingu og affermingu, líka á fyrirferðarmiklum farangri eða farmi.

Upphitaðir og rafstilltir hliðarspeglar draga úr móðumyndun og hrími og einfalt er að stilla þá.

Stuðarar og áfastur búnaður sem er lakkaður í lit bílsins gera hann glæsilegri frá öllum hliðum séð.

Krómað grill gerir framhlið bílsins glæsilegri.

Brekkuaðstoðin hjálpar ökumanninum að taka af stað upp brekku á öruggan hátt með því að halda hemlunarþrýstingi í stutta stund til þess að koma í veg fyrir að bíllinn renni aftur á bak.

Með því að stúka hleðslurýmið af verður til aukalegur geymsluflötur sem gerir hleðslurýmið sveigjanlegra í notkun fermingu og affermingu þægilegri.

Leðurstýrið og leðurgírstöngin fara betur í hendi og gera stjórnrýmið glæsilegra.

Hægt er að stilla stýrið vélrænt með stöng á stýrissúlunni um 4,8° á hæðina og 60 mm á lengdina.

Panorama-þaklúgan hleypir miklu ljósi og lofti inn í innanrýmið og tryggir bjart og vinalegt andrúmsloft.

Sjálfskiptingin 9G-TRONIC heldur snúningshraða vélar og eyðslunni í lágmarki með fínstilltum gírum og veitir mikil akstursþægindi þegar ekið er af stað og skipt um gíra.

Sex gíra beinskiptingin býður upp á gott jafnvægi á milli mikilla akstursþæginda og lítillar eldsneytisnotkunar.

Stór eldsneytisgeymirinn rúmar um 70 lítra og býður þannig upp á aukið drægi auk þess að spara tíma þar sem sjaldnar þarf að taka eldsneyti.

Aðalljósaaðstoðin kveikir eða slekkur sjálfkrafa á aðalljósunum eftir birtuskilyrðum en það eykur þægindi í akstri fyrir ökumanninn og umferðaröryggi.

Blindsvæðisvarinn getur komið í veg fyrir óhöpp þegar skipt er um akrein, til dæmis á hraðbrautum.

Akreinavarinn getur komið í veg fyrir slys sem verða þegar óviljandi er farið út af akrein.

Bakkmyndavélin sýnir umhverfið beint fyrir aftan bílinn á skjá margmiðlunarkerfisins og getur þannig hjálpað til við að koma í veg fyrir tjón þegar lagt er í stæði og bíllinn er færður til.