Nákvæmlega það sem þú þarft: Útbúnaður og fylgihlutir fyrir Citan-sendibílinn þinn.

Hönnunarpakkinn fyrir innanrými með glæsilegum búnaði úr krómi og háglansandi svörtum lit gefur rýminu sérlega hrífandi og sportlegt yfirbragð.

Álfelgur með glæsilegri 10 arma hönnun og sanserað lakk gefa nýja Citan-sendibílnum sérstakt og kraftmikið yfirbragð.

Ljósapakkinn með LED High Performance-aðalljósum, háljósaaðstoð og þokuljósum eykur akstursöryggi í myrkri og lélegu skyggni og gerir ytra byrði Citan-sendibílsins um leið enn meira hrífandi og glæsilegt að sjá.

Með sætisþægindapakkanum verður ferðin sérlega þægileg fyrir ökumann og farþega. Því hann inniheldur fjöldann allan af útbúnaði sem eykur bæði sætis- og akstursþægindi.

Tveggja sæta farþegabekkurinn býður upp á pláss fyrir þriðju manneskjuna í ökumannsrýminu. Bæði sætin eru með hæðarstillanlegum höfuðpúðum og þriggja punkta öryggisbeltum. Hægt er að fella sessuna, sem er í einu lagi, fram og þar undir sætisbekknum er auka geymslupláss.

Leðurklætt stýrið gerir stjórnrýmið flottara. Þægileg og stöm áferð leðurklæðningarinnar eykur þægindin svo um munar auk þess sem stýrið fer einstaklega vel í hendi.

Lýsing með LED-tækni í hleðslurýminu lýsir það vel upp svo auðveldara verður að athafna sig þegar dimmt er úti og betur sést til þegar verið er að ferma og afferma bílinn.

Festingin fyrir snjallsímann gefur kost á að nota hin ýmsu fartæki í bílnum. Hún er fest á mælaborðið í seilingarfjarlægð frá bílstjóra og passar fyrir farsíma og snjallsíma sem eru frá 57 mm til 95 mm breiðir.

Hagnýta geymsluhólfið með loki í mælaborðinu hefur mikið pláss til að geyma hversdagslega hluti sem á að vera auðvelt að grípa til, eins og snjallsímann, spjaldtölvuna, veskið eða lykla á ferðinni.

Armpúðinn með rúmgóðu geymsluhólfi er á milli ökumannssætis og farþegasætis. Þegar geymsluhólfið er lokað er hægt að styðja handleggnum þægilega við mjúkbólstraða púðann.

Rennihurðin vinstra megin ásamt rennihurðinni á hægri hlið bílsins gefa aukinn sveigjanleika við að hlaða í hann og úr. Rennihurðirnar eru alls ekki plássfrekar þegar þær eru opnaðar svo bílstjórinn getur einnig athafnað sig í þrengslum.

Gluggar með þurrku og rúðusprautu í afturhurðunum gefa bílstjóra betra útsýni út um hleðslurýmið og auðvelda að leggja í stæði og bakka.

Afturhlerann má opna allt að u.þ.b. 90° upp á við og eftir stendur stórt hurðarop til að hlaða inn í og úr. Innbyggði glugginn bætir yfirsýn aftur í. Hann er upphitanlegur og með þurrku og rúðusprautu.

Þokuljós með LED-tækni bæta útsýnið við vond veðurskilyrði án þess að blinda vegfarendur sem koma úr gagnstæðri átt.

Með fram- og afturstuðara lakkaða í sama lit og bíllinn verður útlit hans enn glæsilegra.

Dráttarbeisli með lága kúlu sem er sett upp hjá framleiðanda gerir að verkum að hægt er að opna afturhurðir bílsins þótt tengivagn sé á. Uppsetning hjá framleiðanda sparar þér heimsókn á verkstæði og aukaskoðun á skoðunarstöð.

Sjálfvirka hita- og loftkælingarkerfið THERMOTRONIC sér sjálfkrafa til þess að þægilegt andrúmsloft sé í ökumannsrýminu, einnig þegar sólin skín beint inn eða þegar mjög heitt eða kalt er í veðri.

Bakkmyndavélin gerir svæðið fyrir aftan bílinn sýnilegt og getur aukið yfirsýnina þegar lagt er í stæði og bílnum er bakkað, sérstaklega í miklum þrengslum. Með myndavélinni er auðveldara að sjá lágar fyrirstöður á svæðinu aftan við bílinn.

Þessi bakkmyndavél sýnir svæðið beint aftan við bílinn á skjá í baksýnisspeglinum. Þannig eykur hún öryggi þegar lagt er í stæði eða bílnum er bakkað – sérstaklega í þröngum aðstæðum – og getur aðstoðað við að koma í veg fyrir skemmdir á bílnum.

Rafhitun í sætum eykur þægindi og vellíðan á köldum árstímum með því að verma þau strax og kveikt er á henni.

Hæðarstillanlegt ökumannssætið með mjóbaksstuðningi býður upp á sætisstöðu sem er bæði þægileg og fer vel með bakið. Auk þess að geta stillt lengd og halla sætisbaksins geturðu einnig lagað sætishæðina að þínum þörfum sem og stuðning við lendarliði.

Með valfrjálsa dráttarbeislinu getur nýi Citan-sendibíllinn dregið allt að 1500 kg – sem kemur sér vel þegar flytja þarf meiri farm endrum og eins.

Sex gíra beinskiptingin skilar einnig sínu á meiri hraða með þýðgengri aflrás og sparlegri eldsneytisnotkun. Þægilegt er að skipta um bíl og ef skipt er snemma upp um gír er hægt að aka á sparneytinn hátt.

Virka hemlunaraðstoðin getur aðstoðað við að koma í veg fyrir árekstur við ökutæki fyrir framan og slys á gangandi vegfarendum sem fara yfir götuna eða dregið úr áhrifum slysa.

Virki akreinavarinn getur aðstoðað þig við að komast hjá óhöppum með því að greina þegar óvart er farið út af réttri akrein, gefa viðvörun og grípa hugsanlega inn í stjórnun bílsins. Þú hefur samt stjórnina allan tímann: kerfið grípur ekki inn í aðstæður ef þú stýrir, hemlar eða eykur hraðann á virkan hátt.

Með blindsvæðisvaranum nýturðu meira öryggis í akstri – sérstaklega við að skipta um akrein. Hann greinir svæðið sem hliðarspeglarnir sýna ekki með ratsjártækni. Þannig getur hann gefið viðvörun með merkjum og hljóðum til að koma í veg fyrir hugsanlega hliðarárekstra við aðra vegfarendur.

Umferðarmerkjagreiningin auðveldar þér að fara eftir hraðatakmörkunum og öðrum reglum. Það eykur öryggið.

Háljósaaðstoðin kveikir og slekkur sjálfkrafa á háu ljósunum miðað við aðstæður í umferðinni og leysir bílstjórann undan því að þurfa að stjórna ljósstyrknum handvirkt. Kerfinu er stjórnað með myndavél aftan við framrúðuna sem fylgist stöðugt með umferðinni fyrir framan bílinn.

Loftþrýstingsvöktun í hjólbörðum fylgist með loftþrýstingi í öllum fjórum dekkjum. Hún getur varað ökumann við þrýstingsfalli í hjólbörðum og eykur þannig öryggi í akstri og líftíma hjólbarðanna. Kerfið birtir viðvörunarmerki þegar loftþrýstingur minnkar að einhverju marki eða þegar mikill mismunur er á loftþrýstingi.