Minni losun á skaðlegum efnum fyrir umhverfið.

Sprengihreyflar gefa í meginatriðum frá sér tvær tegundir af útblæstri. Í fyrsta lagi CO₂-útblástur og í öðru lagi skaðleg efni eins og nituroxíð. Vaxandi hlutfall CO₂ í andrúmslofti er sagt bera ábyrgð á hlýnun loftslags. CO₂-losun ökutækis er hlutfallslega í samræmi við magn eldsneytisins sem notað hefur verið.

Til að bæta loftgæði – einkum í borgum – þarft að uppfylla kröfuhörð mörk skaðlegra efna á mismunandi stigum í útblástursstaðlinum Euro-6. Áhersla er einkum á nituroxíð (NO_x) og fínt svifryk. Nituroxíð myndast þegar nitur hvarfast við súrefni. Vegna fjölda oxunarstiga og nitur-súrefnissambanda er nituroxíð skammstafað NO_x. Við skilgreiningu á gildismörkum fyrir agnir skiptir fínt svifryk, sem getur borist óhindrað í gegnum síukerfi slímhúðar manna, sérstaklega miklu máli. Önnur efnasambönd, sem skipta máli við vottun ökutækja samkvæmt mismunandi stigum Euro-6-útblástursstaðalsins þegar kemur að mörkum skaðlegra efna, má til að mynda nefna kolmónoxíð (CO) og vetniskolefni (HC).