Útbúnaður og fylgihlutir fyrir Sprinter sendibíl.

Fjórar glasahöldur sem staðalbúnaður í stjórnrýminu auðvelda ökumanni og farþega í framsæti að geyma drykkjarílát og grípa til þeirra.

Stafræni útihitamælirinn í mælaborðinu getur veitt gagnlegar upplýsingar um hugsanlega ísingu á akbrautinni.

Geymsluhólfið undir mælaborðinu farþegamegin býður upp á frekara geymslupláss – til dæmis fyrir skjöl, flöskur eða persónulega muni.

Opna og breiða geymsluhólfið í miðju mælaborðinu er góður staður fyrir ökumann og farþega að leggja frá sér hluti sem þarf að grípa snögglega til.

Dagljósin gera bílinn sýnilegri að degi til og auka þannig öryggi í umferðinni.

KEYLESS-START gerir það mögulegt að ræsa vélina með því einu að ýta á Start-Stopp-hnappinn í kveikjulásnum.

Rafstýrið eykur þægindi hjá ökumanni með hraðatengdri aðstoð við stýringu og getur aðstoðað við að halda aksturslaginu stöðugu.

Rennihurðin gerir hleðslu-/farþegarýmið aðgengilegt frá hlið og þar með er þægilegt að stíga inn í það eða hlaða inn og út úr því.

Ef þörf krefur minnir beltisviðvörunin ökumanninn á að hann hefur ekki spennt öryggisbeltið, með gaumljósi í mælaborði og hljóðmerki.

Sex gíra beinskiptingin sameinar þýðan gang og langan líftíma með hagkvæmri og lipri stjórnun, þar að auki er skiptingin létt og lítill titringur í henni.

22 lítra AdBlue®-tankurinn eykur drægi og sparar tíma, þar sem sjaldnar þarf að fylla á íblöndunarefnið.

Sjálfvirku aðalljósin slökkva eða kveikja á lágu ljósunum í akstri samkvæmt raunverulegum birtuskilyrðum hverju sinni en það eykur þægindi í akstri fyrir ökumann og umferðaröryggið um leið.

Hliðarvindsbúnaðurinn greinir mjög snemma stefnubreytingu vegna sterkra vindhviða og aðstoðar ökumann við að halda bílnum á miðri akrein.

Rafræna stöðugleikastýringin ESP® sem lagar sig að aðstæðum getur veitt ökumanni stuðning með því að beita hemlunarkröftum sem koma jafnvægi á bílinn í hættulegum aðstæðum.

Hemlaljósin sem laga sig að aðstæðum geta stytt viðbragstíma ökutækja sem á eftir koma með áberandi blikki og komið þannig í veg fyrir aftanákeyrslu.

Með aðgerðastýrinu er hægt að stjórna ýmsum aðgerðum bílsins s.s. virkni bílsins og margmiðlunarkerfum á þægilegan hátt með snertihnöppum eða hnöppum án þess að taka hendur af stýrinu.

Með þráðlausa hleðslukerfinu er hægt að leggja símtæki sem styðja staðalinn Qi 1.2  í efra miðjuhólf miðstokksins og hlaða þau á mjög einfaldan hátt.

Á fjölnota kassanum getur ökumaður eða farþegi klárað tilfallandi skrifstofu- eða pappírsvinnu í stjórnrýminu á hentugu vinnusvæði – hægt er að fá innbyggða festingu fyrir¹ spjaldtölvu.

Báðir LED-ljósaborðarnir uppi undir þaki lýsa hleðslurýmið upp án þess að varpa nokkrum skuggum að ráði og þannig verður mun auðveldara að átta sig á aðstæðum við fermingu og affermingu.

Festing fyrir farangur² í lofti hleðslurýmisins ver farminn betur fyrir óhreinindum og þjófnaði í samanburði við utanáliggjandi þakgrind.

Stuðningur við vörubretti í stigþrepi rennihurðar heldur farminum stöðugum hjá hurðinni og kemur einkum að góðum notum þegar Euro-bretti eru flutt.

Í akstri eru spjaldtölvur, skjöl, lyklar, veski og aðrir hlutir í öruggri geymslu í geymsluhólfunum með smellulokum.

Gólf úr léttu plasti bætir notagildi hleðslurýmisins með sléttum flötum og einfaldara viðhaldi og þrifum, og í samanburði við viðargólf minnkar plastið þyngd bílsins um u.þ.b. 18,5 kg³.

LED High Performance-aðalljósin bæta lýsingu akbrautarinnar og gefa framhliðinni enn sterkari svip.

Afturljósin með LED-tækni að hluta eru heillandi í myrkri, nútímaleg og skapa auðþekkjanlega mynd sem eykur enn gildi hönnunar afturhliðarinnar.

Með krómuðu grilli verður bíllinn enn glæsilegri.

Lakk rammans utan um grillið er í sama lit og bíllinn og undirstrikar glæsilegt útlit hans.

Lakkið á stuðaranum gefur bílnum aðlaðandi ásýnd og eykur sérlega gildi hönnunar fram- og afturhliðar.

Sjálfvirka hita- og loftkælingarkerfið THERMOTRONIC stjórnar hitastigi í innanrýminu sjálfkrafa á meðan á akstri stendur, sem og loftstreymi og loftdreifingu.

MBUX-margmiðlunarkerfið með 10,25" snertiskjá í hárri upplausn býður m.a. upp á hraðvirkt leiðsögukerfi með hörðum diski með þrívíddarframsetningu á landakortum og tengingu við snjallsíma..

MBUX-margmiðlunarkerfið með 7" snertiskjá sannar gildi sitt með framsækinni snertistjórnun, snertiskjá í hárri upplausn og fjölbreytilegum möguleikum í fjarskiptum og afþreyingu.

Stafræna útvarpið (DAB) státar af miklu úrvali stöðva, góðum móttökueiginleikum, gagnlegum upplýsingum og frábærum hljómgæðum.

Glæsilegur litaskjár í mælaborði gerir það þægilegt að lesa af vísunum og býður góða yfirsýn yfir valkostina í sjónmáli ökumanns.

Mercedes-Benz hljóðkerfið styður við Bluetooth^® tengingu með virkni fyrir handfrjálsan búnað og USB-tengingu. Því er stjórnað beint í miðstokknum á tækinu sem uppfyllir staðalinn 1-DIN. 

Festingin fyrir snjallsímann er í þæginlegri fjarlægð frá ökumanni og í hentugri stöðu upp á að kíkja á skjáinn við keyrslu.

Umferðarmerkjagreiningin sýnir ökumanni hraðatakmarkanir sem og innkeyrslu- og framúrakstursbönn og lætur vita þegar bannið gildir ekki lengur.

Hægt er að fella hliðarspeglana rafdrifið að bílnum verja þá þannig betur gegn skemmdum í þröngum inn- eða útkeyrslum.

Rafræna stöðuhemlinum er stjórnað á einfaldan og þægilegan hátt með einum hnappi og þegar engin handbremsustöng er til staðar verður aðgengið aftur í betra.

Bakkmyndavél í baksýnisspegli bætir útsýni til svæðisins beint fyrir aftan bílinn og eykur öryggi þegar verið er að bakka.

Virka hemlunaraðstoðin getur aðstoðað við að koma í veg fyrir árekstur við ökutæki fyrir framan og slys á gangandi vegfarendum sem fara yfir götuna eða dregið úr áhrifum slysa.

DISTRONIC-hraðastillirinn með fjarlægðarskynjun getur haldið því bili gagnvart ökutækjum fyrir framan sem ökumaður hefur stillt inn í kerfið og aðstoðar hann, til dæmis á hraðbrautum og í umferð þar sem sífellt er numið staðar og ekið af stað.

Virki akreinavarinn getur greint þegar farið er óviljandi út af akrein, gefið bílstjóranum viðvörun og ef nauðsyn krefur leitt bílinn inn á rétta braut á ný með inngripi í hemlun.

Blindsvæðisvarinn með Rear Cross Traffic Alert getur komið í veg fyrir óhöpp með sjónrænum og hljóðrænum viðvörunum þegar skipt er um akrein, bakkað er úr stæðum eða stigið er út úr bílnum.

Bílastæðapakkinn með 360° myndavél veitir alhliða aðstoð við að leggja í stæði og færa bílinn til og getur þannig aukið öryggi og þægindi.

Við óhapp hringir neyðarkallskerfi Mercedes-Benz sjálfkrafa eftir hjálp og tíminn sem líður þar til björgunaraðilar mæta á svæðið verður mun styttri.

Hugvitssamleg og ryðfrí afturfjöðrun úr glertrefjastyrktu plasti dregur úr þyngd bílsins og eykur þannig hleðslugetuna um 12 kg og akstursþægindin um leið.

Loftfjöðrun á afturöxli gefur mestu þægindin í akstri bæði í stjórnrými og í farþegarými, og hin breytilega hæðarstilling gerir hana að fyrsta kosti þegar kemur að því að hlaða í og úr bílnum.