Hér fara saman skilvirkt rafmagnsdrif og gamalreyndir kostir.

Setja saman núna

Allt að XXX km drægi.

eVito-sendibíllinn er notadrjúgur, öruggur og þægilegur – eins og vænta má þegar Mercedes-Benz Vito er annars vegar. Aflmikill rafmótorinn skilar allt að 85 kW (116 hö.) [eVito-sendibíll með skráningu sem sendibifreið (N1). Raforkunotkun í blandaðri aksturslotu XXX–XXX kWh/100 km, CO2-losun 0 g/km] [*] og allt að 295 Nm togi.
Með drægi upp á allt að XXX km,  hentar eVito-sendibíllinn fyrst og fremst fyrir akstur innanbæjar. Nýtilegt orkumagn rafhlöðunnar er 35 kWh og með allt að 7,4 kW hleðsluafli er hægt að hlaða hana úr 0 upp í 100% á um 6 klukkustundum. Hleðslurýmið er allt að 6,6 m³ og skerðist því ekki vegna rafmagnsdrifsins.
 

Hápunktar.

  1. Drif
  2. Tengimöguleikar
  3. Áreiðanleiki
  4. Innanrými
Skilvirk nýting raforku.

Snjöll stýring sér til þess að orkunýtingin sé sem skilvirkust: Með 3 aksturskerfum og 4 endurnýtingarstillingum verður raforkunotkun og drægi eins og best verður á kosið. Aksturskerfin þrjú „E+“, „E“ og „C“ eru valin með aksturskerfarofanum en endurnýtingarstillingarnar fjórar „D–“, „D“, „D+“ og „D++“ eru valdar með gírskiptiflipunum í stýrinu. Endurnýting orku felur í sér að orka er endurheimt þegar dregið er úr hraða bílsins. Þegar ekið er niður brekkur er orkunni til dæmis veitt aftur inn á rafhlöðuna í stað þess að láta hana fara til spillis í formi varma.

Góðar upplýsingar, fyrsta flokks afþreying.

Upplýsinga- og samskiptabúnaður með fjölda tengja býður upp á framúrskarandi tengimöguleika og fyrsta flokks afþreyingu. Valfrjálsu margmiðlunarkerfunum Audio 30 og Audio 40 er stjórnað á einfaldan og þægilegan hátt með snertiskjá.

Tilbúinn um leið og þú.

Þú ferð fljótt að stóla á eVito sem samstarfsfélaga. Þess vegna gerum við allt til að tryggja langt og áreiðanlegt samband. Þú færð afhentan þaulprófaðan bíl í Mercedes-Benz-gæðum með rafmagnsdrifi og miðstöð sem hafa gengist undir ítarlegar vetrarprófanir okkar við hitastig allt niður í -30 °C. Öflug ryðvörn með sinkhúðaðri yfirbyggingu ásamt slitþolnum efnum í innanrými sjá til þess að hann verði áfram glæsilegur fulltrúi fyrirtækisins þíns í mörg ár til viðbótar.

Hér getur þú notið vinnunnar.

Nú komum við að þægilegri hliðum vinnunnar: eVito mun auka starfsánægju þína með rúmgóðu innanrými sínu. Sterkbyggð og þægileg sætin sjá til þess að það fari alltaf vel um þig. Þegar kalt er í veðri býður sætishitunin fyrir ökumann, sem er staðalbúnaður, upp á frekari þægindi sem þú munt kunna sérstaklega vel að meta. Ef þú þarft pláss fyrir tvo farþega frammi í bílnum getur þú pantað farþegabekk sem aukabúnað. Valfrjálsu hljóðkerfin tryggja góða tengingu og afþreyingu á leiðinni og með leiðsögukerfinu Audio 40 kemstu einnig fyrr á áfangastað.

Mercedes PRO: Einfaldar og eykur hraða í þínum rekstri.

Finndu réttu lausnirnar fyrir þinn Vito.

Framúrskarandi öryggi með rafmagnsdrifi.

Vel varið háspennukerfi.

Rafknúnu sendibílarnir frá Mercedes-Benz gangast undir strangt eftirlit og árekstraprófanir. Þegar kemur að öryggi eru þeir því í fremstu röð, eins og vænta má af Mercedes-Benz.

Aflrásin, háspennurafhlaðan og háspennuleiðslurnar eru vel varðar. Allar háspennuleiðslurnar eru einstaklega vel einangraðar. Þegar árekstrarskynjarar bílsins greina að alvarlegt óhapp á sér stað er straumurinn umsvifalaust tekinn af bílnum.

Rafbílarnir eru framtíðin: Kynntu þér nýja eVan-úrvalið.

eVan-úrvalið

Rafvæddu reksturinn. Við reiknum, þú gerir samanburð.

Hleðslulausnir

Hleðslulausnir Mercedes-Benz fyrir eVan-bílinn þinn.

Drægi

Reynsluakstur í sýndarveruleika með eVAN Ready-appinu.

Heildarrekstrarkostnaður

Hvenær borgar sig að vera á rafbíl?

eVAN. Algengar spurningar.

  1. Hentar rafknúinn sendibíll frá Mercedes-Benz í daglegum akstri hjá mér?

    Með eVAN Ready-appinu geturðu undirbúið rafvæðinguna betur. Þú getur til dæmis séð hvort rafknúinn sendibíll frá Mercedes-Benz komi þér í gegnum vinnudaginn á aðeins einni hleðslu: Þetta ókeypis app greinir daglegar akstursleiðir hjá þér og aksturslag. Aksturssniðið sem er útbúið sýnir þér svo hvort rafknúinn sendibíll sé álitlegur kostur fyrir þig. Þú færð frekari svör við spurningum um rafknúinn akstur hjá umboðs- og þjónustuaðilum Mercedes-Benz.

  2. Hvernig hleð ég rafknúna sendibílinn minn frá Mercedes-Benz?

    Hægt er að hlaða bílinn á mismunandi vegu. Nærliggjandi: Mercedes-Benz Wallbox-vegghleðslustöð eða hleðslulausn sem við sérsníðum fyrir þig hjá vinnustaðnum. Við það bætast síðan sífellt fleiri almennar hleðslustöðvar – á bensínstöðvum, hjá verslunarmiðstöðvum og í bílastæðahúsum.

  3. Hvernig ek ég rafknúna sendibílnum mínum frá Mercedes-Benz á sem skilvirkastan hátt?

    Þrjú mismunandi aksturskerfi og fjórar endurnýtingarstillingar aðstoða þig við að aka á skilvirkan hátt. Báðir þessir eiginleikar gera þér kleift að minnka orkunotkunina og auka þannig drægi rafknúna sendibílsins.

  4. Get ég hlaðið jafnmiklum farmi í rafknúna sendibílinn og í bíl með brunahreyfli?

    eVito býður upp á sama ríflega hleðslurými og venjulegur Vito-sendibíll með brunahreyfli, þar sem rafhlöðurnar eru staðsettar í undirvagni bílsins. Með allt að 6,6 m3 farmrými og nægilegri burðargetu fer eVito-sendibíllinn létt með verkefni dagsins.

  5. Hversu oft þarf að fara með rafknúna sendibílinn frá Mercedes-Benz í viðhaldsskoðun?

    Viðhald verður að fara fram árlega til þess að tryggja að háspennubúnaður og aðrir íhlutir virki sem skyldi. Viðhaldspakkinn sem fylgir með bílnum sér til þess að þú þarft ekki að greiða fyrir viðhald í fjögur ár. Ef skipta þarf um rafhlöðurnar nýtur þú góðs af rafhlöðuvottuninni í átta ár eða allt að 100.000 km. Frekari upplýsingar um viðhald rafbíla fást hjá umboðs- og þjónustuaðilum Mercedes-Benz.

  6. Hvað get ég gert til þess að forðast álagspunkta við hleðslu á rafknúnu sendibílunum mínum?

    Með Mercedes PRO connect-þjónustunni „Snjöll hleðslustjórnun“ er hægt að hlaða rafbílaflotann í áföngum og halda nauðsynlegu tengdu afli og orkukostnaði þannig í lágmarki. Frekari upplýsingar um hleðslu rafbíla fást hjá umboðs- og þjónustuaðilum Mercedes-Benz.

  7. Hvor kosturinn er hagstæðari fyrir mig, rafknúinn sendibíll eða sendibíll með brunahreyfli?

    Allt eftir því hvernig bíllinn er notaður og að teknu tilliti til þeirra ívilnana sem eru í boði fyrir rafbíla getur heildarrekstrarkostnaður rafknúins sendibíls verið sambærilegur við bíl með brunahreyfil. Með eCost Calculator færðu skýrari svör við þessari spurningu: Þar getur þú borið árlegan rekstrarkostnað bílsins sem þú átt núna saman við rekstrarkostnað rafknúins sendibíls frá Mercedes-Benz.

  8. Verður að kaupa rafhlöðuna sérstaklega eða taka hana á kaupleigu?

    Rafhlaðan er þegar innifalin í kaupverðinu. Það þarf því ekki að greiða sérstaklega fyrir leigu á rafhlöðu. Rafhlöðuvottunin ver þig gegn fjárhagslegri áhættu vegna skipta á rafhlöðu ef orkumagn rafhlöðunnar skyldi minnka umtalsvert. Hún gildir í allt að átta ár eftir að bíllinn kemur á götuna eða í allt að 100.000 km. Frekari upplýsingar um rafhlöðuna og rafhlöðuvottunina fást hjá umboðs- og þjónustuaðilum Mercedes-Benz.

  9. Hvaða tengimöguleikar eru í boði fyrir rafknúna sendibíla frá Mercedes-Benz?

    Ýmis Mercedes PRO connect-þjónusta er einnig í boði fyrir rafknúnu sendibílana. Þjónusturnar „Snjöll hleðslustjórnun“ og „Fjarstýrð hleðslustjórnun“ eru eingöngu í boði fyrir bíla með rafmagnsdrifi. Með þeim verður hleðslan bæði hagkvæmari og þægilegri. Frekari upplýsingar um Mercedes PRO connect fást hjá umboðs- og þjónustuaðilum Mercedes-Benz.

  10. Er rafhlaðan í ábyrgð?

    Ef orkumagnið á rafhlöðunni skyldi minnka mikið á fyrstu 8 árunum eða fyrstu 100.000 km frá því bíllinn kemur á götuna ver rafhlöðuvottunin þig fyrir óvæntum útgjöldum. Við tökum þá á okkur kostnaðinn við að skipta um rafhlöðu. Og það besta er: Rafhlöðuvottunin er þegar innifalin í kaupverðinu.

  11. Fylgir hleðslusnúra með þegar keyptur er rafknúinn sendibíll frá Mercedes-Benz?

    Hleðslusnúra fylgir ekki með rafknúnum sendibílum frá Mercedes-Benz. Hægt er að panta 4 hleðslusnúrur með hleðslukló af gerð 2 frá verksmiðju. Snúrurnar eru ýmist 4 eða 8 m á lengd og hægt er að velja á milli eins og tveggja fasa hleðslu. Frekari upplýsingar um hleðslusnúrur fást hjá umboðs- og þjónustuaðilum Mercedes-Benz.

  12. Hvað eru endurnýtingarstillingar?

    Endurnýting orku felur í sér að orka er endurheimt þegar dregið er úr hraða bílsins. Þegar ekið er niður brekkur er orkunni til dæmis veitt aftur inn á rafhlöðuna í stað þess að láta hana fara til spillis í formi varma. Hægt er að stilla hversu mikil orka er endurheimt í 4 þrepum með gírskiptiflipunum í stýrinu: D++ (0 m/s²), D+ (-0,5 m/s²), D (-1,0 m/s²), D- (-1,5 m/s²).

  13. Hversu hratt get ég ekið rafknúna sendibílnum mínum frá Mercedes-Benz?

    Miða skal hámarkshraðann við það hvernig bíllinn er notaður. Er bílnum fyrst og fremst ekið innanbæjar eða er honum oft ekið á þjóðveginum? Í staðalútfærslu er hámarkshraði rafknúna sendibílsins 80 km/klst. Með viðeigandi aukabúnaði er hægt að auka hámarkshraðann upp í 100 km/klst. eða 120 km/klst. Hins vegar skal hafa í huga að aukinn hraði kemur yfirleitt niður á dræginu.

  14. Hversu langt er hægt að aka rafknúnum sendibíl frá Mercedes-Benz á einni hleðslu við daglega notkun?

    Drægi rafknúna sendibílsins frá Mercedes-Benz fer fyrst og fremst eftir útfærslu bílsins, einkum því hvaða hámarkshraði er valinn. Raunverulegt drægi veltur auk þess á einstaklingsbundnu aksturslagi, aðstæðum á vegum og í umferð, útihitastigi, notkun loftkælingar/miðstöðvar og annars búnaðar sem gengur fyrir rafmagni. Aflvísirinn og endurnýtingarstillingarnar hjálpa ökumanni að nýta hleðsluna á rafhlöðunni eins vel og kostur er og hámarka þannig drægið.

  15. Með hvaða hleðslukló get ég hlaðið rafknúna sendibílinn minn frá Mercedes-Benz?

    eVito er með hleðslutengi af gerð 2. Þannig má ná hleðsluafli upp á allt að 7,4 kW á hleðslustöðvum með riðstraumi (AC). Annar möguleiki: Með hefðbundinni Schuko-kló á hinum enda hleðslusnúrunnar er hægt að tengja eVito við venjulega heimilisinnstungu. Hleðsluaflið er þá hins vegar umtalsvert minna.

[*] Frekari upplýsingar um uppgefna eldsneytisnotkun og uppgefna sértæka CO₂-losun nýrra fólksbíla er að finna í „Leitfaden über den Kraftstoffverbrauch, die CO₂-Emissionen und den Stromverbrauch neuer Personenkraftwagen“ (leiðarvísi um eldsneytisnotkun, CO₂-losun og rafmagnsnotkun nýrra fólksbíla) sem hægt er að fá ókeypis á öllum sölustöðum og hjá DAT Deutsche Automobil Treuhand GmbH (www.dat.de).

Lorem Ipsum