Mercedes-AMG GLE 53 4MATIC+ Coupé.

Það sem er einna mest áberandi á ytra byrði Mercedes-AMG GLE 53 4MATIC+ Coupé er án nokkurs efa AMG-grillið: Með lóðréttum rimlum úr glansandi krómi og greinilegu AMG-merkinu tekur það strax af allan vafa um að hér er á ferðinni bíll frá Mercedes-AMG.

Voldug lögun vélarhlífarinnar með breiðum og afgerandi aflhvelfingunum gefur gríðarlegan kraftinn sem nýi Mercedes-AMG GLE 53 4MATIC+ Coupé býr yfir skýrt til kynna.

Endurhönnuð AMG-aftursvunta með sportlegum loftdreifi og svörtum háglansandi skrautlista lætur afturhluta nýja Mercedes-AMG GLE 53 4MATIC+ Coupé virðast töluvert breiðari. AMG-útblásturskerfið með tveimur kringlóttum, svartkrómuðum, tvöföldum púströrum dregur síðan kraftinn í bílnum enn frekar fram.

Ný kynslóð AMG-stýra með Nappa-leðri er sérhönnuð fyrir sportlegt aksturslag. Stýrin eru með áberandi þriggja arma hönnun, flöt að neðan og með snertihnöppum og skiptihandföngum úr áli. Stýrismiðjan með „AMG“-áletruninni setur síðan punktinn yfir i-ið.

Notendaviðmótið í háskerpuskjáum mælaborðsins hefur verið endurbætt og er nú með sérstakri AMG-hönnun. Auk þess er hægt að velja á milli atriða eins og RACETIMER, AMG-upphafsskjámyndar eða birtingarmátanna fjögurra „Classic“, „Sport“, „Látlaust“ og „Supersport“, en sá síðastnefndi er aðeins í boði fyrir AMG-bíla.

Það er ekki að ástæðulausu sem AMG Performance-stýrin með valfrjálsu AMG-stýrishnöppunum minna á stýri í kappakstursbílum í Formúlu 1. Stýrihnapparnir gera stýrið einstaklega sportlegt og með þeim er hægt að stjórna tilteknum aksturseiginleikum bílsins á fljótlegan og markvissan hátt. Stýrishnapparnir eru innan seilingar og þú þarft því aldrei að taka hendurnar af stýrinu. Þeir eru líka svo einfaldir í notkun að þú þarft aldrei að taka augun af veginum.