Mercedes-AMG GLE SUV

Þegar litið er á framhliðina sést strax að Mercedes-AMG GLE 53 4MATIC+ er tilbúinn að láta til skarar skríða. Bitarnir á grillinu liggja lóðrétt og þannig þekkist GLE-bíllinn strax sem AMG-útfærsla. Ný hönnun AMG-framsvuntunnar gefur bílnum kraftmeiri, framsæknari og stæltari svip en áður. Það eru hugrif sem fást staðfest í síðasta lagi þegar stigið er á eldsneytisgjöfina.

Svipsterkur afturhlutinn geislar einnig af krafti. Ekki furða, enda er hann oft það eina sem maður sér af Mercedes-AMG GLE 53 4MATIC+. Tvö háglansandi og krómuð tvöföld púströr leggja frekari áherslur.

Glæsilegar 53,3 cm (21") AMG-álfelgur með fimm tvöföldum örmum, lakkaðar í mattsvörtu og gljáfægðar, eru fáanlegar sem aukabúnaður. Þær gera Mercedes-AMG GLE 53 4MATIC+ enn glæsilegri að sjá og fullkomna sportlegan heildarsvipinn.

Krafturinn stendur eins og skrifaður í ásjónu hans – þeim mun meira með nýju AMG-framsvuntunni. Hún gefur GLE 63 S 4MATIC+ enn stæltara og voldugra yfirbragð.

Aflmikill að sjá og heyra: AMG-sportútblásturskerfið endar í tveimur háglanskrómuðum, ferköntuðum og tvöföldum púströrum sem fullkomna kraftmikinn svip afturhlutans. Loftdreifir undirstrikar sportlegt eðlið.

Úr hundraðinu niður í kyrrstöðu á ofurhraða: Mercedes-AMG GLE 63 S 4MATIC+ brunar líka fram úr öðrum þegar hann bremsar. Öflugur AMG-hemlabúnaðurinn einkennist af stuttri hemlunarvegalengd, mikilli nákvæmni, mikilli endingu og rauðlökkuðum hemlaklöfum sem eru staðalbúnaður í S-útfærslunni. Skapaður fyrir drifkraftinn í lífinu.

AMG-sportsætin bjóða upp á sportleg þægindi með hágæðaáklæði úr ARTICO-leðurlíki/DINAMICA-örtrefjaefni. Rauðir skrautsaumar leggja kraftmiklar áherslur og merki með AMG-áletrun gera strax ljóst að akstursánægjan er hér með frátekið sæti.

GLE skarar fram úr – og er á undan sinni samtíð. Ein af nýjungunum í bílnum er AMG TRACK PACE. Það er eiginleiki sem hjálpar þér að slá tímamet á kappakstursbrautinni. Fremst í flokki er einnig mælaborðið með einkennandi AMG-hönnun. Búnaðurinn hefur ekki aðeins kraftmikið yfirbragð, heldur setja margmiðlunarskjáir í háskerpu og þægilegir stjórnfletir einnig ný viðmið.

Með AMG Performance-stýrinu finnur þú fyrir aflinu: Vandað Nappa-leður gefur einstakt grip og gírskiptiflipar úr áli bjóða upp á sannkallaða kappaksturstilfinningu. Með aðgerðahnöppunum er hægt að stjórna öllum helstu valmyndaratriðum bílsins.

Enn hærri hámarkshraði: Með AMG Driver's Package nær Mercedes-AMG GLE hámarkshraða upp á 280 km/klst. Að fljúga um loftin er ekki einu sinni fegurra en það.

Það getur líka verið sport að sitja. AMG-sætin úr vönduðu Nappa-leðri bjóða upp á frábæran hliðarstuðning og einstök þægindi. Valfrjálsa litasamsetningin macchiato-drapplitað/svart gefur einstaklega fágað yfirbragð. Glæsileg viðbót: Sérstök AMG-sætisgrafík með „AMG“-merki á fremri sætisbökum.

Í vönduðu stjórnrými Mercedes-AMG GLE var hugað að öllu. Í miðstokkinum er jafnvel hægt að koma fyrir stórum drykkjarílátum. Frekar hrist en ekki hrært? Aukahandfang farþegamegin er sérlega hentugt þegar gefið er í á torfærum slóðum.

Hjartað í sérhverjum AMG-bíl: vélin. Í Mercedes-AMG GLE 53 4MATIC+ starfar aflmikil sex strokka línuvél með tvöfaldri þjöppun með afgasþjöppu og rafknúinni aukaþjöppu sem og innbyggðum startararafal með 320 kW (435 hö.) og 520 Nm, sem lætur adrenalínið flæða.

Smíðaður úr hágæðaefni og gerður fyrir framúrskarandi afköst: AMG-hemlabúnaðurinn með silfurlökkuðum hemlaklöfum og „AMG”-áletrun.

Afköst eru stillingaratriði – með AMG DYNAMIC SELECT. Aðeins þarf að ýta á hnapp og fjöðrunin lagar sig þá að akstursskilyrðum eða því sem ökumanni líkar best. Meðal annars er hægt að velja á milli „Comfort”, „Sport” eða „Sport+”. Og með fjöðrunarstillingunum „Trail“ eða „Sand“ kemst maður einnig áreynslulaust yfir torfærar leiðir.

Magnað hljóð: Með AMG-útblásturskerfinu, sem er staðalbúnaður, gerir Mercedes-AMG GLE 53 4MATIC+ boð á undan sér. Auk þess gefur bíllinn frá sér öðruvísi hljóð í DYNAMIC SELECT-aksturskerfunum „Sport” og „Sport+”.

Hún togar og togar og togar og togar: V8-vélin með tvöfalda forþjöppu og innbyggðan startararafal fyrir Mercedes-AMG GLE 63 4MATIC+ og 63 S 4MATIC+. Með allt að 450 kW (612 hö.) og 850 Nm nær hann hundraðinu á aðeins 3,9 sekúndum. Sportjeppi? Sportbíll? Bæði.

Nú verða allar vegalengdir magnaðar – líka hemlunarvegalengdin: Með öfluga AMG-keramikbremsubúnaðinum, sem er aukabúnaður, er hægt að skammta kraftinn í Mercedes-AMG GLE af mikilli nákvæmni. Jafn áhrifamikið og hemlunaraflið er ending búnaðarins.

Hvort sem er í bleytu, snjó eða á þurrum vegi: Skynvædda AMG Performance 4MATIC+ fjórhjóladrifið dreifir aflinu þangað sem þess er mest þörf. Þetta gerir að verkum að bíllinn missir ekki grip þegar ekið er á miklum hraða.

Hljóð með einum hnappi: Valfrjálsa AMG Performance-útblásturskerfið gefur Mercedes-AMG GLE ekki aðeins sportlegt vélarhljóð. Með því að ýta á hnapp er hægt að breyta eiginleikum hljóðsins til samræmis við valið AMG DYNAMIC SELECT-aksturskerfi. Stýrðar miskveikingar og sjálfvirk eldsneytisgjöf þegar skipt er niður í „Sport” og „Sport+” skapa hljóðupplifun sem kallar fram gæsahúð.