Þægindi.

Njóttu snertilausrar stjórnunar: Þetta nýstárlega kerfi greinir og les úr hreyfingum handa og handleggja. Þannig er hægt að framkvæma tilteknar aðgerðir bókstaflega með einu handtaki. Til dæmis að opna valmynd með eftirlætisatriðum notandans: Til þess gerir þú einfaldlega „V“ með vísifingri og löngutöng. Kerfið greinir á milli ökumanns og farþega – svo tryggt sé að hver og einn stjórni réttum valmyndum.

„Hey Mercedes.“ Þannig ræsir þú náttúrulega raddstýringarkerfið. Það hlustar á næstum hvert einasta orð. Kerfið vinnur meira að segja úr óbeinum skipunum – miðstöðin bregst til dæmis við setningunni „Mér er kalt“ og stillir á hærra hitastig. Í EQC er einnig hægt að stjórna hleðslunni með raddstýringu, t.d. með setningunni „Hlaða upp að 85 prósentum“, eða spyrja hversu mikið drægi er eftir. Raddstýringin lærir á notandann og er stöðugt uppfærð.

MBUX gefur þér mesta frelsið til að stjórna fjölmörgum eiginleikum á þann hátt sem þér finnst þægilegast. Til dæmis með einfaldri snertingu. Í nýja EQC er hægt að fá margmiðlunarskjáinn sem snertiskjá og í miðstokkinum er snertiflötur sem bregst við skipunum með einum eða fleiri fingrum sem og handskrift. Og með snertihnöppunum á stýrinu er meira að segja hægt að stjórna öllum helstu stillingum bílsins án þess að taka hendurnar af stýrinu.

Sennilega munu engin tvö EQC-stjórnrými líta alveg eins út. Því hægt er að sérsníða þau að mjög miklu leyti. Hægt er að raða og breyta upplýsingum í mælaborðinu eftir óskum. Hægt er að velja á milli þriggja birtingarmáta: „Modern Classic“, „Sport“ og „Electric Art“ með litabreytingum til upplýsinga.

Snjallsímatengingin tengir farsímann við upplýsinga- og afþreyingarkerfið í gegnum Apple CarPlay™ og Android Auto. Þannig færðu þægilegan aðgang að helstu forritum snjallsímans þíns. Þú getur einnig notað forrit frá þriðju aðilum eins og Spotify á fljótlegan og einfaldan hátt*.

Hladdu símann á ferðinni. Þráðlaus hleðsluflötur er í boði fyrir miðstokkinn. Þar er hægt að leggja snjallsímann frá sér og hlaða hann á þráðlausan og þægilegan hátt**.

Hægt er að opna, ræsa og læsa EQC án venjulegs bíllykils. Hægt er að koma fyrir NFC-loftneti (Near Field Communication) í handfangi ökumannshurðarinnar. Þá nægir að hafa aðgangsheimild að bílnum og viðeigandi snjallsíma***.