Þægindi.

ENERGIZING Plus-pakkinn á engan sinn líka. Hann býður upp á fyrsta flokks þægindi fyrir öll skilningarvit. Hér kemur saman rjóminn af fyrsta flokks útbúnaði fullum af framsæknu hugviti. Niðurstaðan er hrífandi: Mercedes-bíllinn þinn getur fyllt þig orku og dekrað við þig. Svo þú hafir meira úthald undir stýri og ferðin verði þægileg.

AIR-BALANCE-pakkinn býður upp á heillandi ilmupplifun – fyrir bílinn þinn er til dæmis hægt að fá hinn einstaka SUV-ilm „Forest Mood“: Dýpkaðu ævintýri þín á vegum úti og í torfærum með frískandi viðarkeim. Pakkinn stuðlar einnig að betri loftgæðum um borð og þar með aukinni vellíðan.

Klæðskerasniðin og dekra við þig: Þessi sæti bjóða upp á fjölda stillingamöguleika og eiginleika sem auka vellíðan þína. Þau falla fullkomlega að líkamanum. Nýstárlegir hliðarpúðar veita mikinn hliðarstuðning. Stillanleg loftræsting í sætunum og þægileg nuddáhrif gera hverja ferð að sælustund.

Mestu þægindin í akstri dag frá degi: Með KEYLESS-GO-þægindapakkanum geturðu opnað bílinn, sett hann í gang og læst honum með því einfaldlega að ganga með bíllykilinn á þér. Eiginleikinn HANDS-FREE ACCESS er snertilaus og alsjálfvirk aðferð til að opna afturhlerann og loka honum.

Frábær bílastæðaþjónusta um borð. Bílastæðaaðstoðin með 360° myndavél auðveldar þér bæði bílastæðisleitina og að leggja í og fara úr stæði. Þú getur valið á milli þess að leggja í stæði sjálf(ur) á öruggan hátt með útsýni allan hringinn eða að láta leggja fyrir þig með lítilli fyrirhöfn.

Sparaðu þér tíma og streitu: Með eftirvagnsaðstoðinni bakkarðu eftirvagninum af öryggi og nákvæmni – líka í erfiðum aðstæðum. Það kemur sér svo sannarlega vel fyrir þá sem hafa litla reynslu af því að aka með eftirvagn.

Heillandi hönnun mætir alstafrænum vísi með sveigjanlegri framsetningu: Widescreen-stjórnrýmið breytir upplýsingum í sanna upplifun. Hægt er að stilla það hvar tiltekið efni birtist á skjánum og þökk sé Touch-tækni er notkunin mjög einföld.

Snertiflötur í miðstokki með nýjum stjórnfleti sem bregst við skipunum með einum eða fleiri fingrum sem og handskrift og gefur bæði snertisvörun og svörun með hljóði.

LINGUATRONIC fyrir raddstýringu ásamt MBUX-margmiðlunarkerfi (547): Gerir kleift að bera fram skipanir með eðlilegu talmáli og framkvæma þær með einni raddskipun; til viðbótar við talhnappinn í stýrinu er nú einnig hægt að virkja raddstýringuna með því að segja lykilorðin „Hey Mercedes“.

Besta útsýnið fyrir sportlega akstursgleði og örugga tilfinningu undir stýri: Head-up-Display breytir framrúðunni í heillandi stafrænt stjórnrými. Þannig ertu alltaf með mikilvægar upplýsingar í beinni sjónlínu. Öll þín athygli er á götunni og því sem er að gerast í umferðinni.

Svo þú getir bjargað þér í flóknum aðstæðum í umferðinni tengir MBUX-viðbótarveruleiki fyrir leiðsögukerfi sýndarheiminn og þann raunverulega saman. Tæknin blandar myndrænum leiðsögu- og umferðarupplýsingum inn í lifandi myndir. Þannig kemstu fljótt, örugglega og afslappað á áfangastað.

Hljómgæði eins og í lúxushljómtækjum fyrir heimili. Hátalarar í innri þakklæðningu skapa þrívíðan hljóm. Þú stjórnar kerfinu eins og þinni eigin hljómsveit – með VIP-stillingum fyrir tiltekin sæti eða stílstillingum á borð við „Live“ og „Easy Listening“.

Framúrskarandi aksturseiginleikar við allar aðstæður: Í E-ACTIVE BODY CONTROL fara saman þægindi, nákvæmni og kraftur – ásamt einstökum torfærueiginleikum. Upplifðu nútímalega og virka fjöðrun sem dregur úr höggum, veltingi og hristingi. Á öllum vegum og vegleysum. Við góð og slæm akstursskilyrði.

Njóttu snertilausrar stjórnunar: Þetta nýstárlega kerfi greinir og les úr hreyfingum handa og handleggja. Þannig er hægt að framkvæma tilteknar aðgerðir bókstaflega með einu handtaki. Kerfið greinir á milli ökumanns og farþega – svo tryggt sé að hver og einn stjórni réttum valmyndum.