Hönnun.

Svipsterk útfærslan með AMG Line gefur bílnum kraftmikið yfirbragð. Og greinir hann skýrt frá grunnútfærslunni. Þannig gefur þú skýra yfirlýsingu um kraftmikla hönnun.

Með EXCLUSIVE-innanrýminu sýnir þú hvað skiptir þig máli: Framúrskarandi glæsileiki og fyrsta flokks gæði hvert sem litið er. Íburðarmiklar áherslur og fágað yfirbragð innanrýmisins munu veita þér ómælda ánægju á degi hverjum og gefa vandaðan smekk þinn skýrt til kynna.

Stæðilegur og með sterka nærveru: Ytra byrðið tengir saman dæmigerð SUV-einkenni og hönnun sem er í senn nútímaleg og kraftmikil. Fyrsta flokks efni, ríflegt rými og snjöll smáatriði leggja grunninn að íburðarmiklu yfirbragði og einstökum akstursþægindum í allt að sjö sætum.

Fyrir fullkomið skyggni: MULTIBEAM LED-aðalljósin bregðast fljótt við umferðaraðstæðum með LED-ljósum sem hægt er að stjórna hverju fyrir sig. Háljós að hluta passa að lýsa ekki á aðra vegfarendur og blinda þá. Þegar vegurinn er auður auka ULTRA RANGE-háljósin drægið um 150 metra. Beygju- og sveigjuljós lýsa sjónsviðið einnig upp eins og best verður á kosið.

Mælaborðið og neðri gluggabrúnir eru með klæðningu úr vönduðu Nappa-leðri sem gefur innanrými Mercedes-Benz-bílsins enn glæsilegri svip. Skrautsaumar leggja einnig frekari áherslur.

Í sportlega aðgerðastýrinu í viðar- og leðurútfærslu fara saman fyrsta flokks efni og framsæknir notkunareiginleikar. Með þægilegum snertihnöppum er hægt að stjórna eiginleikum á borð við leiðsögn, síma, hraða og afþreyingu á einfaldan hátt. Þannig hefur þú góða stjórn á öllu, án þess að þurfa að taka hendurnar af stýrinu.