Þægindi.

Með nýju fullvirku E-ACTIVE BODY CONTROL-loftfjöðruninni höfum við raðað saman framsæknustu og hugvitsamlegustu fjöðrunartækni okkar og úr verður heillandi akstursupplifun.

Í aksturskerfinu „Curve“ getur bíllinn hallað sér inn í beygjuna á virkan hátt. Það lágmarkar álag sem verkar þvert á bílinn og eykur þægindi og snerpu svo um munar. Í aksturskerfinu „Comfort“ greinir ROAD SURFACE SCAN akbrautina fram undan með þrívíddarmyndavél. Demparaleggjum er þá stjórnað þannig að ójöfnur á veginum hafa sem minnst áhrif á hreyfingu yfirbyggingarinnar. Einnig er hægt að velja aksturskerfin „Sport“ og „Offroad“.

Hröðun GLE er öflugri og skilvirkari með nýjum vélum. Úrvalið nær frá fjögurra strokka dísilvél til silkimjúkrar og hugvitsamlega rafvæddrar sex strokka línuvélar[**] og til hreint ótrúlegrar V8-vélar.


Nýju fjögurra og sex strokka dísilvélarnar bjóða upp á mikla sparneytni og lipurð fyrir hvert aflþrep. Ný sex strokka línuvél er síðan skemmtileg viðbót sem býður upp á enn fágaðri drifkraft.

Nýju rafvæddu bensínvélarnar sem sex strokka línuvélar og sem V8-vélar hafa, til viðbótar við forþjöppuna, innbyggðan startararafal, rafknúna viðbótarþjöppu og 48 volta rafkerfi. Innbyggður rafmótor í formi EQ Boost aðstoðar brunahreyfilinn meðal annars við hröðun með allt að 612 hö. aukalegum afköstum sem og 850 Nm togi og sér 48 volta rafkerfinu fyrir orku með endurnýtingu orku.

Þar að auki eru allar vélarnar með 9G-TRONIC-sjálfskiptinguna sem og 4MATIC-fjórhjóladrifið.

Svo öruggt sé að taka af stað á sleipu undirlagi dreifir kerfið snúningsvæginu varanlega á milli fram- og afturöxuls. Einnig er dregið umtalsvert úr yfir- og undirstýringu þegar ekið er skarplega í beygjum.

Sítengt 4MATIC-fjórhjóladrifið með rafræna veggripskerfinu 4ETS gefur framúrskarandi torfærueiginleika og frábært tog á lausu undirlagi sem og í snjó eða krapi. Til að fá tilfinnanlega meiri akstursgetu getur kerfið í nýja GLE, eftir gerðum, dreift drifkraftinum mismikið á milli fram- og afturöxuls.