Mercedes-Benz EQ.
Velkomin í veröld rafknúins aksturs hjá Mercedes-Benz.
Þegar bíllinn gengur eingöngu fyrir rafmagni felur það í sér útblásturslausan, nánast hljóðlausan akstur og framúrskarandi snerpu. Allt í allt ný aksturstilfinning og akstursmáti sem vísar veginn til framtíðar.
Snjallt hleðslukerfi sér til þess að hægt er að hlaða rafhlöðuna með öllum algengustu hleðslumöguleikum. Meðal annars vegghleðslustöðvum, hleðslustöðvum með riðstraumi (AC) og hraðhleðslustöðvum (DC).
Í bílnum er innbyggt hleðslutæki sem stjórnar hleðslu með almenna veitukerfinu. Við það umbreytir hann riðspennu (AC) yfir í jafnspennu (DC). Auk möguleikans á því að hlaða með heimahleðslustöð (AC) er einnig hægt að hlaða bílinn með DC-hleðslustöðvum (hraðhleðslustöðvum).
Háspennu-litíumjónarafhlaða
Háspennu-litíumjónarafhlaðan er aðalorkugjafinn fyrir rafmagnsdrifið. Bæði drægi og afköst bílsins ráðast af eiginleikum rafhlöðunnar.
Rafhlaðan er hlaðin með straumi úr veitukerfi utan frá. Orka er einnig endurnýtt við hemlun og þegar bíllinn er látinn renna. Rafhlaðan er staðsett undir gólfi bílsins svo þyngdarmiðja bílsins verði lág og sem best með tilliti til aksturseiginleika.
Rafmótor
Hvor rafmótorinn fyrir sig á fram- og afturöxli umbreytir raforku úr háspennurafhlöðunni í hreyfiorku og býður upp á tilkomumikinn drifkraft þegar við fyrsta snúning.
Til að draga úr raforkunotkun og bæta akstursgetu er skilvirkri dreifingu drifkrafts stjórnað stiglaust milli fram- og afturöxuls.
Hemlakerfi sem endurheimtir orku
Til þess að auka drægið: Áhrifarík leið til að draga úr eldsneytisnotkun felst í að endurnýta sem mesta orku við hemlun og þegar bíllinn er látinn renna.
Það er gert með því að dreifa hemlunarvæginu á snjallan og sem áhrifamestan hátt. Þegar stigið er á hemlafetilinn tekur rafmótorinn við að minnka hraðann og virkar þannig eins og rafall. Auk þess er hægt að stjórna því hversu mikil orka er endurnýtt í nokkrum þrepum með gírskiptirofunum í stýrinu.
